Arxip
2010-12-20
12-Ayning 18-küni chüshtin kéyin gérmaniyining shimaligha jaylashqan bohum shehirining medeniyet merkizide `qeshqerdiki etigenlik nashta` témisida Uyghur medeniyet-sen'et kéchiliki ötküzüldi.
2010-12-20
Almata shehiridiki yéza igilik uniwérsitétining tenterbiye meydanida 10- dékabirdin 15 -dékabir künlirigiche qazaqistan jumhuriyitining xizmet körsetken trénéri ménggéréy xayrutdinofning xatirisige béghishlan'ghan boks boyiche 9- nöwetlik xelq'ara musabiqe bolup ötti.
2010-12-20
Mushu yekshenbe küni norwégiye Uyghur komitéti yilliq xizmetlerni xulasilesh yighini chaqirdi. Yighin'gha teshkilatning asasliq rehberliri, hey'et ezaliri we teshkilat üchün yéqindin yardemde bolup küch chiqiriwatqan aktip shexsler qatnashti.
2010-12-20
Kanadada chiqidighan xitayche xewer menbelirining uchurigha asaslan'ghanda, kanadada turushluq xitay konsulxanisining yéqindin köngül bölüshi netijiside yéqinda torontoda, "shinjang tungshyangxüy" yeni "shinjangliqlar dostluq jem'iyiti"namliq bir jem'iyet qurulghan.
2010-12-17
Xitay hökümiti yéqinda 12 - besh yilliq iqtisadiy tereqqiyat pilanini élan qildi, nöwette xitay hökümiti bu heqtiki siyasetlirini yürgüzüsh aldida turmaqta. Bu heqte ashkarilan'ghan uchurlargha qarighanda, xitay hökümiti kéyinki besh yilda Uyghur élide yürgüzmekchi bolghan iqtisadiy siyasitide, Uyghur éli yéziliridin sirtlargha yötkep ishqa orunlashturidighan éshincha emgek küchlirining sanini 11 milyon adem qétimgha yetküzidiken.
2010-12-17
Xitay merkizi milletler uniwérsitétining dotsénti, “Uyghurbiz tori” ning sahibi ilham toxti ependi, 9-dékabirdin 15-dékabirghiche nezerbend qilin'ghan idi. Bügün ilham toxti ependi radi'omiz muxbirigha eyni chaghda özining bir hepte nezerbend qilinishigha, uning nobél tinchliq mukapati sahibi lyu shyawbo bilen bolghan dostluq munasiwitidin bashqa 2010- yili 3- dékabir küni sözlen'gen “ Shinjangdiki milliy siyaset ” namliq léksiyining seweb bolghanliqini bildürdi. Shundaqla eyni chaghdiki léksiye arginalini muxbirimizgha ewetip berdi.
2010-12-17
Gazi uniwérsitéti mimar kemalettin zalida, eysa yüsüp alptikinning wapat bolghanliqining 15 yilliqi munasiwiti bilen sherqiy türkistan lidiri eysa yüsüp alptikinni xatirileymiz témisida yighin chaqirildi.
2010-12-17
Bu yil awghust éyida nobél komitéti teripidin xitay démokratchisi lyu shawbogha nobél tinchliq mukapati bérish qarar qilin'ghandin tartip 10-dékabir mukapat tarqitish murasimi ötküzülgiche, xitay hökümiti norwégiye hökümiti we nobél komitétigha türlük diplomatiye yolliri bilen qarshi turup, bu mukapatning tarqitilmasliqi üchün barliq kozurini ishqa saldi.
2010-12-17
12-Dékabir küni almata shehirining dostluq mehellisige orunlashqan "nurli" kaféxanisida meshhur ma'aripchi, péshqedem ustaz hénipaxun baratofning wapat bolghinigha on yil tolush munasiwiti bilen merhumni xatirilesh murasimi ötküzüldi.
2010-12-16
Xitay da'iriliri bu yil kirgendin buyan Uyghur ilining her qaysi jaylirida diniy zat we diniy guruhlargha qarshi basturushni kücheytip, nurghun Uyghurni qolgha alghan. Bezi melumatlarda da'irilerning bu yil kirgendin buyan ghulja nahiyisidin 140 kishini qolgha alghanliqi ilgiri sürülgen. Uyghur ilining yene bir qisim jaylirida bolsa diniy zat we guruhlargha qarshi medeniyet inqilabi istilidiki ammiwi tenqid qilish herikiti élip bérilghan.
2010-12-16
2010 - Yili 12 - ayning 13 - künidin 15 - künigiche b d t ning jenwediki merkizide b d t kishilik hoquq kéngishi azsanliq milletler munbirining 3 - nöwetlik yighini chaqirildi. Bu yighin'gha Uyghurlargha wakaliten d u q bash katipi dolqun eysa ependi we d u q ning b d t diki mexsus wekili ketiy xanimlar qatnashti.
2010-12-16
Xitay ijtima'iy penler akadémiyisi ötken hepte “Xitayning 2010- yilliq iqtisadiy ehwali hem 2011- yildiki iqtisadi weziyiti heqqide perez” namliq kök tashliq kitabini élan qildi. Kök tashliq kitabta xitayning 2010- yili gerche dölet iqtisadi örlesh halitini saqlap qalghan bolsimu, emma awam puqralirining istémal sewiyisining yenila töwen ikenliki tekitlen'gen.
2010-12-16
Yéqinda almutadiki Uyghur tiyatiri binasidiki Uyghur ressamlirining körgezme zalida, yéngidin tonulghan 63 yashliq ressam mexsut tiwamof sizghan 100 parchidin artuq resim körgezme qilin'ghan. Ressamlar we bu sahening mutexessisliri bu eserlerge alahide baha bergen.
2010-12-16
Xitayning bu qétimliq nobél mukapat ishlirigha qarita qilmishliri kanada metbu'atlirida qelem tewritiwatqan obzorchi we muxbirlarning xitayning eqelliy kishilik hoquq we démokratiye weziyiti heqqide köpligen maqalilerni élan qilishigha seweb boldi.
2010-12-15
Radi'omiz igiligen eng yéngi uchurlardin melum bolushiche, musteqil tetqiqatchi ilham toxti ependi we uning a'ilisi bügün 15-dékabir küni béyjing waqti kech sa'et 9 etrapida béyjingdiki öyige qaytip kelgen. Ilham toxti ependi bügün washin'gton waqti etigen sa'et 10:30 da radi'omiz muxbiri méhribanning ziyaritini qobul qilip, özi we a'ilisining 10- dékabir küni xeynen ariligha “Sayahet” ke élip kétilip, bügün béyjingdiki öyige qayturulghanliqini bildürdi.
