Arxip
2010-10-30
Her yili bir qétim otküzülidighan merkiziy yawro - asiya tetqiqat jem'iyitining xelq'araliq yilliq muhakime yighini amérikining michigan dölet uniwérsitétida dawamlashmaqta.
2010-10-30
Uyghurlarning chet'ellerge chiqish üchün pasport ishlitish resmiyetlirining barghanséri teslishiwatqanliqini inkas qilghan Uyghurlar, xitaydiki 56 milletning ichide peqetla Uyghurlarning bu xil bésimgha duch kéliwatqanliqini bildürdi.
2010-10-29
Amérikida chiqidighan n+1 namliq zhurnalda Uyghurlarning weziyitige da'ir "qudretlik bomba" dep mawzu qoyulghan bir parche maqale élan qilindi. Muxbir maqalisini ürümchide namayishqa biwaste qatnashqan Uyghur balilar bilen élip barghan mexpiy söhbitige asasen yézip chiqqan. Uningda Uyghurlarning hazirqi weziyiti, ularning 5 - iyul weqesidin kéyinki oy - pikirlirige da'ir muhim melumatlar bérilgen.
2010-10-29
Uyghur élida 5 - iyul namayishigha qatnashqanlarni tutush we jazalashning toxtimasliqi seweblik Uyghur yashlirining yurtidin qéchish, möküsh we hijret qilish ehwalliri dawamlashmaqta. 5 - Iyul namayishigha qétilghan yashlardin biri, birqanche ay xitay ölkiliride möküp yürgendin kéyin, bu yil 4 - ayda xongkong arqiliq, en'gliyige qéchip kelgen.
2010-10-29
Radi'omiz ziyaritini qobul qilghan déhqanlarning bildürüshiche, ili teweside ötken hepte bashlan'ghan yamghur ikki kündin buyan qar arilash yamghurgha aylan'ghan. Déhqanlarning déyishiche, bu ehwal, qonaq qatarliq zira'etlirini téxi yighiwalalmighan, bulturqi yamghur hem qar apitide örülüp ketken öylirini yasap bolalmighan ili déhqanlirigha téximu zor ziyanlarni élip kélishi mumkin iken.
2010-10-29
29 - Öktebir küni merkizi yawro'asiya tetqiqat jem'iyitining yilda bir qétim ötküzülidighan ilmiy muhakime yighinining 11 - qétimliq yighini michigan shtatining michigan dölet uniwérsitétida resmiy bashlandi.
2010-10-29
Türkiye tashqi ishlar ministiri exmet dawud'oghlu ürümchidiki ziyaritini tamamlap shi'en'ge qarap uchqan. U qeshqerde muxbirlargha bergen bayanatida, "türkiye - xitay munasiwitining tereqqiy qilishi Uyghur aptonom rayonidiki qérindashlirimiz üchünmu köp paydiliq" dégen.
2010-10-28
Xitay bash ministiri wén jyabaw türkiyini ziyaret qilip uzun ötmey, türkiye tashqi ishlar ministiri exmet dawud'oghlu bilen türkiye ichki ishlar ministiri béshir atalayning oxshash waqitta xitayda ziyaret élip bérishi Uyghur we türk jama'etchilikining diqqitini qozghimaqta.
2010-10-28
Ötken hepte maralbéshi nahiyisining sériqbuya baziridiki 50 din artuq déhqan, qeshqer wilayetlik wali mehkimisige bérip kolliktip naraziliq bildürgen. Ular naraziliqini wali mehkimisining qorusigha topliship jim olturuwélish sheklide élip barghan bolup, bu naraziliq da'irilerning we sheher xelqining küchlük diqqitini tartqan idi.
2010-10-28
Xitay da'iriliri merkizi sheher ürümchide köchme nopuslargha, bolupmu Uyghur élining jenubiy we shimalidin ürümchige kelgen Uyghur ahalilirige qarita tekshürüsh xizmitini alahide kücheytmekte.
2010-10-28
Radi'omiz igiligen uchurlardin melum bolushiche, tibet oqughuchilirining namayishidin buyan, Uyghur élidiki uniwérsitét we ottura mekteplerde, oqutquchi - oqughuchilar mektepke yighiwélinip yighin'gha orunlashturulghan, shundaqla mekteplerge qaritilghan nazaret kücheytilgen.
2010-10-28
Xitay da'iriliri 11 - ayning 1 - künidin bashlap memliket boyiche omumyüzlük nopus tekshürüsh pa'aliyiti élip baridu. Lékin biz igiligen melumatlardin melum bolushiche, xitayning nopus tekshürüsh pa'aliyiti Uyghur aptonom rayonida muddettin burun bashlan'ghan.
2010-10-28
Xitay da'iriliri ay sharigha adem chiqirish pilanini otturigha qoyup, bu jehette jiddiy teyyarliq qilmaqta. Halbuki mutexessisler xitayning yéqin kelgüside aygha adem chiqiralmaydighanliqini, emma buning bashqa qoshna ellerde alem téxnikisi musabiqisini keltürüp chiqirishi mumkinlikini ilgiri sürdi.
2010-10-28
Xuddi b b s bayan qilghandek, dunya hazir xitayning sirek topa ékisportini kozur qiliwalghan mesilini hel qilishqa kirishtila emes, belki xitaydin bashqa jaylarda sirek topa menbelirini échishqa bel baghlidi.
2010-10-28
Nöwette, Uyghur élining jama'et xewpsizlik we yaki qanun'gha da'ir tor betliride bériliwatqan xewerlerdin, xitay hökümitining ürümchi we bashqa jaylardiki barliq saqchi we edliye sistémisini heriketke keltürüp, keng kölemlik merkezleshtürüp tüzeshke atlan'ghanliqi melum bolmaqta.
