Архип
2010-02-26
Дуня уйғур қурултийи иҗраийә комитетиниң кеңәйтилгән йиғини 26 - феврал мюнхинда башланди. Һәрқайси дөләтләрдин кәлгән шәрқий түркистан тәшкилатлири вәкиллири шундақла сиясий әрбаблири қатнашқан мәзкур йиғин, дуня уйғур қурултийиниң рәиси рабийә қадир ханимниң доклати билән башланди.
2010-02-26
Дуня уйғур қурултийиниң рәиси рабийә қадир ханим, шветсарийидә ечилған` 4 - нөвәтлик хәлқаралиқ дуня өлүм җазасиға қарши туруш` йиғинида сөз қилди. У йиғинда қилған сөзидә хитай һөкүмитиниң уйғурларни өлүм җазаси бериш арқилиқ өлтүрүпла қалмастин, түрмиләрдә, сақчи идарилирида қийнапму өлтүрүватқанлиқини ейтқан.
2010-02-26
Нөвәттә хитай һөкүмитиниң муқимлиқни баһанә қилип, уйғурларға қаратқан бастуруш сияситини күчәйтиш билән биллә, уйғур аптоном районида елип бериватқан " 3 хил күчләргә зәрбә бериш нәмуничилиридин өгиниш долқуни", " милләтләр иттипақлиқи тәрбийиси" қатарлиқлар хәлқараниң диққитини қозғаш билән биллә қаттиқ тәнқидләнмәктә.
2010-02-26
Хитайда сәһийә министирлиқи билән қурулуш министирлиқи су һоқуқи үчүн көрәш қиливатқили 50 йилдин ашти, 20 нәччә йилдин буян ичидиған су сүпитини яхшилаш һәққидә бир нәччә қетим йеңи өлчәм оттуриға қоюлди, әмма һечқайси иҗра қилинмиди. Һазир хитайда, хәлқара өлчәм буйичә ейтқанда, адәм ичишкә лайиқ пакизә су йоқ.
2010-02-26
Хитай иҗтимаий пәнләр тәтқиқат орни түнүгүн хитайниң қанун түзүм вәзийити һәққидә көкташлиқ китаб елан қилған. Китабта көрситилишичә, өткән йили хитайда җәмийәт бихәтәрликигә аит делолар 9 милйон 900 миң қетим йүз берип, алдинқи йилдикидин сан җәһәттин 20% өрлигән; җинайи ишлар делолириниң сани болса 5 милйон 300миңға йетип, 9% өрлигән.
2010-02-26
Чәтәлгә чиқип сиясий панаһлиқ тилигән бир нәпәр уйғур яш, мухбиримизниң зияритини қобул қилип, чәтәлгә чиққандин кейинму йәнә хитай җасуслириниң өзиниң изиға чүшкәнлики, шу җәрянда, сорақларға вә тәһдитләргә дуч кәлгәнлики, һәтта йәрлик қазақ сақчи даирилири тәрипидин тутулуп, еғир қийин - қистақларға учриғанлиқи қатарлиқ сәргүзәштилирини баян қилған.
2010-02-26
Тарихи мәнбәләрдә билдүрүшичә, хитайлар һон имипраторлуқиниң һуҗумлиридин қоғдиниш үчүн сәддичин сепилини ясиған икән. Әйни дәврдә сәддичин сепили һонлар билән хитайлар оттурисидики чегра һесаблинидикән.
2010-02-25
Февралниң оттурилиридин башлап или тәвәсидә туюқсиз иллип кәткән һава, бу йил қиш яққан пәвқуладдә қелин қарни муддәттин бурун еритип, или районида еғир кәлкүн апитини кәлтүргән. Әҗәблинәрлики шуки, райондики деһқанлар қишичә йүз бәргән қар апити һәм көз алдидики кәлкүнниң дәрдини тарталмай турғинида, уларға аталмиш "миллий бөлгүнчиләргә қарши авангарт, мунәввәр партийә әзаси мәмәт өмәрдин өгинип, 3 хил бөлгүнчиләргә қарши туруш" алвиңи артилған.
2010-02-25
Бейҗиңда һәр йили бир қетим ечилидиған икки чоң йиғин келәр һәптидә ечилидикән. Коммунист хитай һөкүмити бүгүн бу қетимқи икки чоң йиғинда 'тибәт вә шинҗаң мәсилиси' дегән йеңи тема муһакимә қилинидиғанлиқини ашкарилиди вә бу йиғиндин бурун хиянәтчиликкә қарши туруш һәққидә кәң даирилик тәшвиқат башлиди.
2010-02-25
Америкидики әң чоң гезит "вашингтон почтиси гезити" дә америка хәлқиниң, америка сиясәтчилиридин нарази икәнлики тоғрисидики мақалиләр көпләп елан қилинмақта. Хәлқниң һөкүмәткә болған наразилиқини иккиләнмәстин ашкарилашниң, һөкүмәтниң сияситини тоғра йөнүлүшкә башлашта муһим рол ойнайдиғанлиқини билдүргән америкидики нурий түркәл әпәнди, хитайда сиясәтчиләр үстидин шикайәт қилишниң имканийәтсиз икәнликини оттуриға қойди.
2010-02-25
Бүгүн дуняниң һәрқайси җайлиридики мусулманлар пәйғәмбиримиз һәзрити муһәммәд әләйһиссаламниң тоғулған күнини хатирилимәктә. Муһәммәд әләйһиссаламниң дуняға келиши һәқиқәтән бир йоруқ дуняниң туғулуши иди.
2010-02-25
Түркийә баш министири рәҗәп тайип әрдоған 2 - айниң 27 - күни чүштә түркийидә паалийәт елип бериватқан түркий милләтләр аммиви тәшкилатлири мәсуллириға зияпәт бәрмәкчи. Зияпәтниң шоари "нәрәдә бир сойдаш варса биз орадайиз" , йәни, "нәдә бир қериндаш түркий милләт болса, биз шу йәрдә" дегән болуп, бу йиғинға түркийидики пүтүн қериндаш милләтләрниң аммиви тәшкилатлири тәклип қилинған.
2010-02-25
2 - Айниң 26 - күнидин 3 - айниң 2 - күнигә қәдәр германийиниң мюнхен шәһиридә чақирилидиған дуня уйғур қурултийи даимий комитетниң кеңәйтилгән йиғиниға, америка, канада, түркийә, қазақистан, қирғизистан, германийә, голландийә, шветсарийә, шветсийә, норвегийә, франсийә қатарлиқ 10 дин артуқ дөләттин 60 қа йеқин вәкил қатнашмақчи.
2010-02-25
Хитай сот мәһкимилири 5 - июл үрүмчи вәқәси йүз бәргәндин кейин вәқәгә мунасивәтлик дәп қаралған уйғурлар үстидин арқа - арқидин сот ечип, муддәтлик яки муддәтсиз қамақ җазаси вә өлүм җазаси берип иҗра қилди.
2010-02-25
1949 - Йили ғулҗини мәркәз қилған шәрқий түркистан җумһурийити тарқитиветилип, милли армийә хитай хәлқ азадлиқ армийисиниң 5 - корпуси қилип өзгәртилгәндин кейин, миллий армийиниң бир қисим сабиқ офитсер вә җәңчилири һәрбидин айрилип, оттура асиядики сабиқ совет иттипақи җумһурийәтлиригә чиқип кәткән иди.
