Süriye we yemendiki “Axirqi ghelibe” namayishliri dawamlashmaqta

Yemende re'is abdulla salih hakimiyitige qarshi namayish dawam qilip, barghanséri keskinleshmekte.
Ixtiyariy muxbirimiz ömerjan
2011-07-01
Share
yemen-namayish-tutqun-305.jpg Yemen eskerliri namayishchilarni tutqun qilmaqta. 2011-Yili 20-aprél.
AFP

Yemenlikler 2011-yili1-iyul jüme künidiki namayishini éli abdulla salihni texttin chüshürüp, axirqi ghelibini qolgha keltürüsh chaqiriqi bilen “Axirqi ghelibe namayishi” dep atighan. Bügün yemenning her qaysi sheher we yézilirida omumyüzlük chong namayish dawam qildi.

Tehlilchilerge köre, yemen re'isi éli abdulla salihning yemendiki ishlar bilen alaqisi üzülgen we u özining ehwali bilen qalghan. Yemen hakimiyiti yemen re'isining oghli we tughqanlirining idare qilishi bilen dawam qilmaqta iken. Namayishchilarni basturush, öltürüsh ishliri yene burunqidekla dawam qilmaqta iken.

San'a shehiridin muhemmed abdurraziq dégen kishi2011-yili1-iyul küni qatarning “El jézire”téléwiziye qaniligha bergen bayanatida munda dégen:“ Hazir yemende éli abdulla salihning tughqanliri we yandashliridin bashqa héchkim uning hakimiyitini qoghdimaydu. Bularning ichidinmu her küni onlarche kishi namayishchilargha qoshulmaqta.”

Türkiye chégrisidiki süriyiliklerning weziyiti

 Londonda chiqidighan “Ottura sherq” gézitining 2011-yili1-iyul sanidiki xewirige köre, süriyidin jénini qutquzush üchün türkiye chégrisigha qachqanlar shu jayda süriye re'isi beshshar el esedning hakimiyettin chüshüshini telep qilip chong kölemlik namayish uyushturghan. Ularmu bu namayishini“ Axirqi ghelibe” namayishi dep atighan. Mundin bashqa yene süriyining köpligen sheherliride jüme namizidin kéyin chong kölemlik namayish bashlan'ghan. Türkiye chégrisidikiler “El jezire” téléwiziye qanilining muxbirigha süriye armiyisining türkiye chégrisigha yéqin jaylardiki süriye yézilirini oqqa tutup, bezi yézilarni pütünley köydürüp tashlighanliqini we özlirining hayatidin endishe qiliwatqanliqini éytqan. Bir tereptin süriye armiyisi chégridikilerni qayturup kélish yolida ularni tehdit qilmaqta iken.

Süriyilikler söhbet guruppisi qurup chiqti

Shirzad sheyxani dégen kishining “Ottura sherq”gézitining 2011-yili1-iyul künidiki sanida élan qilin'ghan bir maqaliside mundaq yézilghan: “Tünügün süriye paytexti demeshiq shehiride süriye hakimiyitige qarshi partiyiler we jama'etler birliship, süriye ichi we sirtidiki muhim shexslerning ishtiraki bilen “Söhbet guruppisi” qurup chiqti. Bu guruppini qurghuchilarning bildürüshiche, ular süriyini heqiqiy démokratik dölet qilip qurup chiqish we islahatni tinch yol bilen emelge ashurush yolida bu guruppini qurghan. Ular süriye hakimiyitining mesilini söhbet bilen hel qilish teklipini 8 shert bilen qobul qilidighanliqini ochuq jakarlighan. Demeshiqte qurulghan “Söhbet guruppisi” teripidin qoyulghan mezkur 8 shert bolsa: “Süriye hökümitining namayishchilargha qarshi basturushni derhal toxtitishi, namayishchilarni qarilaydighan teshwiqatlirini toxtitishi, namayish bashlan'ghan künidin biri türmilerge qamalghanlarning hemmisini qoyup bérishi, namayishchilargha oq chiqarghanlarni jazalash üchün mexsus tekshürüsh komitéti qurup chiqishi, süriyiliklerning tinchliq namayishini étirap qilishi, süriye qanunidiki “Süriyide mutleq hakimiyet hakimiyet üstidiki tirilish partiyisining qolida bolidu” dégen 8- maddini emeldin qaldurushi, qanunni özgertish arqiliq islahat élip bérish üchün mu'eyyen waqit toxtitishi ” qatarliq shertler iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet