Shwétsiyide Uyghurlar heqqide melumat bérish pa'aliyiti élip bérildi

• 
  2006-11-20

• Ixtiyari muxbirimiz yalqunning bu heqtiki tepsili melumati
• Download story audio

Aldinqi hepte ichide shwétsiyide ikki qétim Uyghurlarning kimliki we ularning hazirqi ehwali heqqide melumat birish pa'aliyiti bolup ötti. Birinchi qétimliq pa'aliyet 15 noyabir küni ötküzülgen bolup, buni shwétsiye Uyghur komitétining ayallar bölimi bilen yashlar bölimi teshkilligen.

Yene bir pa'aliyet 19 - noyabir küni élip bérildi. Buni shwétsiyide uzun yillardin biri shwétsiye Uyghur komitéti bilen hemkarliship ishlep kéliwatqan shwétsiye 4 dunya jem'iyiti orunlashturghan bolup, meqsiti shwétsiyidiki Uyghurlar we Uyghur mesilisige qiziqidighan shwédlargha Uyghurlarning tarixi, medeniyiti, örp- aditi we bügünki kishlik hoquq ehwallirini tonushturmaqchi iken. 4 Dunya jem'iyitining orunlashturishigha asasen shwétsiye Uyghur komitétining sékrétari qeyser Uyghurlarning qedimqi zaman tarixidin tartip taki bügünki kishlik hoquq ehwallirighiche tepsili melumat birip ötti.

Pa'aliyettin kiyin 4 dunya jem'iyitining bu ishqa mes'ul xadimi ziyaritimizni qobul qildi.

Silerning bügünki bu pa'aliyetni orunlashturshinglardiki asasi mexsitinglar néme?

Bizning asasliq meqsitimiz Uyghurlarning öz éghizidin Uyghurlarning tarixi we bashqa ehwalliri heqqide uchurgha ige bolush we bu heqtiki uchurlarni toplash. Bu arqiliq biz Uyghurlarni téximu keng chüshinish imkaniyitige érishish.

Siler qachanlardin bashlap Uyghurlargha qiziqip qaldinglar?

Men 4 dunya jem'iyitide ishlewatqili bir qanche yillar boldi. Uyghurlar heqqide melumat birish bizning xizmetlirimizning bir qismi. Burun biz séwén hédin, gunnar yaring arqiliq Uyghurlarni tonughan bolsaq kéyinche shwétsiyide bir qisim Uyghurlar kilip yerleshti. Bizning Uyghurlar bilen tonushush we ular heqqide chüshenchige ige bolush pursitimizmu barghanche keng boldi. Mining Uyghurlarni tonushum xéli burunla bashlan'ghan.

4 Dunya jem'iyitining kéyinki xizmetliride Uyghurlar heqqide qandaq ishlarni qilmaqchi boluwatisiler?

Bizning jem'iyitimiz anche chong jem'iyet emes. Shwétsiyide 400 che ezalirimiz bar. Bizning xizmitimiz 4 dunyagha mensup bolghan bir qism xeter astida qalghan milletlerni asas qilghan Uyghurlar heqqidiki xizmetlirimizmu ashu omomi xizmetlirimizning muhim bir terkibi qismi bolidu.