Шветсийидә гуантанамо түрмисиниң тақилишини тәләп қилип намайиш елип берилди


2006-07-04
Share
Намайиш һәққидики ухтуруш

Америкиниң гуантанамо түрмисини тақашни явропа дөләтлири изчил тәләп қилп кәлмәктә. Шветсийә явропа иттипақидики дөләтләрниң ичидә гуантанамо түрмисини тақашни қаттиқ тәләп қилип киливатқан дөләтләриң бири. Бу мәсилә шветсийиниң ахбаратлирида кәң орун алған болуп, бу шветсийә пуқралириниң қизиқишини вә наразлиқини қозғаватқан мәсилиләрниң биргә айланған.

Бүгүн 7 - айниң 4 - күни шветсийиниң пайтәхти стокголмдики сергил мәйданиға йүзлигән кишиләр йиғилип америкиниң гуантанамодики түрмисини тақашни тәләп қилип наразлиқ намайиши елип барди. Бу қетиқи намайишни шветсийә парламентидики мөтидил партийә һесапланған йешиллар партийиси баш болуп уюштурған болуп, намайишқа шиветлар, абиғанлар, иранлиқлар, ирақлиқлар босийәникләр, пәләстинликләр, уйғурлар вә башқилар болуп шветсийидә паалийәт елип бериватқан 15 тин артуқ һәр хил партийә вә тәшкилатниң адәмлири қатнашқан.

Мәқситимиз америкиниң гуантанамо түмисини тақишиға һәйдәкчилик қилиш

Намайишни уюштурғучилардин бири болған бир ханим зияритимни қобул қилип бундақ дәйду:

"Бизниң мәқситимиз америкиниң гуантанамо түмисини тақишиға һәйдәкчилик қилиш, у йәрдә америка һәрби соти тәрипидин бигунаһ дәп қаралған нурғун гунаһсиз инсанлар қамилип ятиду. Биз бүгүн саәт 12 дин башлап бу мәйданда намайиш қилип, саәт 1дә америка консулиниң алдиға бармақчи. Намайиш 3 саәт, саәт 3 ләр билән аяқилишиду. Бүгүнки бу намайишқа шветсийә паалийәт елип бериватқан 15 артуқ тәшкилат хадимлири қатаншқандин сирт мухбирлар, язғучилар вә бир қисим адәләтни сөйидиған халис инсанлар қатнашти".

Бүгүнки намайишқа қатнашқанлар гуантанамо түрмисидики мәһбуслар кийидиған җузирәң кийимни кийип алдиға гуантанамо түрмисиниң тақилишини тәләп қилидиған шуарларни йезивалған вә қоллириға һәрхил америкиға қарши чоң хәт тахтилирини көтиривалған.

Намайиштики уйғурниң арзулири

Бүгүнки намайишқа булардин сирт бир қисим шиветсийә яшаватқан уйғурларму қатнашқан, бирақ булар шветсийидә паалийәт елип бериватқан уйғур җәмийәтлиригә вакаләтән әмәс бәлки өзлириниң шәхси намида қатнашқан. Намайишқа қатнашқан бир уйғур қиз зияритимни қобул қилип намайишқа қатнишиштики мәқсити һәққидә тохтилип, өзиниң бу намайишқа қатнишиш арқилиқ, гуантанамо түрмисидә яшаватқан уйғур қериндашлириниң тиздин әркинликкә чиқишиға тиләкдашлиқ билдүридиғанлиқини ейтти.

Зияритимни қобул қилған бу қиз нимә үчүн өзиниң гуантанамо түрмисини тақашни арзу қилидиғанлиқини билдүрүп мундақ дәйду:

"Америка дунядики әркинликни вә демокиратийәни тәшәббус қилғучи бир дөләт болуши сүпити билән гуантанамо түрмисини тақиши зөрур. У пүтүн дунядики инсанларға,болупму диктатор һакимийәт астида яшаватқан кишиләргә өзлириниң әркинлик вә демокиратийәниң тәшәббус қилғучиси болупла қалмай бәлки һәқиқий юсундики қоғдуғучиси икәнликини вә қанун бойичә дөләт башқуридиған демократик дөләтниң үлгиси икәнликини билдүрүп қоюши керәк.

Бу һәқтики толуқ мәлуматларни, шветсийидики ихтияри мухбиримиз ялқундин аңлаң.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт