Shwétsiyide gu'antanamo türmisining taqilishini telep qilip namayish élip bérildi


2006-07-04
Share
Namayish heqqidiki uxturush

Amérikining gu'antanamo türmisini taqashni yawropa döletliri izchil telep qilp kelmekte. Shwétsiye yawropa ittipaqidiki döletlerning ichide gu'antanamo türmisini taqashni qattiq telep qilip kiliwatqan döletlering biri. Bu mesile shwétsiyining axbaratlirida keng orun alghan bolup, bu shwétsiye puqralirining qiziqishini we narazliqini qozghawatqan mesililerning birge aylan'ghan.

Bügün 7 - ayning 4 - küni shwétsiyining paytexti stokgolmdiki sérgil meydanigha yüzligen kishiler yighilip amérikining gu'antanamodiki türmisini taqashni telep qilip narazliq namayishi élip bardi. Bu qétiqi namayishni shwétsiye parlaméntidiki mötidil partiye hésaplan'ghan yéshillar partiyisi bash bolup uyushturghan bolup, namayishqa shiwétlar, abighanlar, iranliqlar, iraqliqlar bosiyenikler, pelestinlikler, Uyghurlar we bashqilar bolup shwétsiyide pa'aliyet élip bériwatqan 15 tin artuq her xil partiye we teshkilatning ademliri qatnashqan.

Meqsitimiz amérikining gu'antanamo tümisini taqishigha heydekchilik qilish

Namayishni uyushturghuchilardin biri bolghan bir xanim ziyaritimni qobul qilip bundaq deydu:

"Bizning meqsitimiz amérikining gu'antanamo tümisini taqishigha heydekchilik qilish, u yerde amérika herbi soti teripidin bigunah dep qaralghan nurghun gunahsiz insanlar qamilip yatidu. Biz bügün sa'et 12 din bashlap bu meydanda namayish qilip, sa'et 1de amérika konsulining aldigha barmaqchi. Namayish 3 sa'et, sa'et 3 ler bilen ayaqilishidu. Bügünki bu namayishqa shwétsiye pa'aliyet élip bériwatqan 15 artuq teshkilat xadimliri qatanshqandin sirt muxbirlar, yazghuchilar we bir qisim adeletni söyidighan xalis insanlar qatnashti".

Bügünki namayishqa qatnashqanlar gu'antanamo türmisidiki mehbuslar kiyidighan juzireng kiyimni kiyip aldigha gu'antanamo türmisining taqilishini telep qilidighan shu'arlarni yéziwalghan we qollirigha herxil amérikigha qarshi chong xet taxtilirini kötiriwalghan.

Namayishtiki Uyghurning arzuliri

Bügünki namayishqa bulardin sirt bir qisim shiwétsiye yashawatqan Uyghurlarmu qatnashqan, biraq bular shwétsiyide pa'aliyet élip bériwatqan Uyghur jemiyetlirige wakaleten emes belki özlirining shexsi namida qatnashqan. Namayishqa qatnashqan bir Uyghur qiz ziyaritimni qobul qilip namayishqa qatnishishtiki meqsiti heqqide toxtilip, özining bu namayishqa qatnishish arqiliq, gu'antanamo türmiside yashawatqan Uyghur qérindashlirining tizdin erkinlikke chiqishigha tilekdashliq bildüridighanliqini éytti.

Ziyaritimni qobul qilghan bu qiz nime üchün özining gu'antanamo türmisini taqashni arzu qilidighanliqini bildürüp mundaq deydu:

"Amérika dunyadiki erkinlikni we démokiratiyeni teshebbus qilghuchi bir dölet bolushi süpiti bilen gu'antanamo türmisini taqishi zörur. U pütün dunyadiki insanlargha,bolupmu diktator hakimiyet astida yashawatqan kishilerge özlirining erkinlik we démokiratiyening teshebbus qilghuchisi bolupla qalmay belki heqiqiy yusundiki qoghdughuchisi ikenlikini we qanun boyiche dölet bashquridighan démokratik döletning ülgisi ikenlikini bildürüp qoyushi kérek.

Bu heqtiki toluq melumatlarni, shwétsiyidiki ixtiyari muxbirimiz yalqundin anglang.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet