Shwétsiye Uyghur komitétining mu'awin re'isi mahinur xanimni ziyaret

• Ixtiyari muxbirimiz yalqunning bu heqtiki melumati
• Download story audio

Merhum küresh kösen ependi Uyghur xelqining közge körün'gen sen'etkari bolupla qalmay yene chet'eldiki weten dewasi qiliwatqan Uyghur teshkilatlirining yétekchilirining biri idi. U shwétsiyide we dunyaning her qaysi jayliridiki Uyghurlar arisida aktip siyasi pa'aliyetliri bilen közge körün'gen idi. U hayat waqtida shwétsiyidiki Uyghurlarni bir yerge jem qilip, shwétsiye Uyghur komitétini qurup Uyghur dewasining shwétsiyide janlinishigha biwaste tesir körsetken idi. Uning nami shwétsiyide, shwétsiye Uyghur komitéti bilen zich baghlinip ketken bolup, shwéd xelqi we shwétsiyidiki hökümet organliri uning nami bilen Uyghurlarni we shwétsiye Uyghur komitétini bilgen idi. U bu dunyadin ketkili bir qanche ay boldi. U hayat waqtida özi biwaste yétekchilik qilghan we shwétsiyide Uyghur dewasining tunulishigha aktip tesir körsetken shwétsiye Uyghur komitéti merhumning ölümidin kiyin nime ishlarni qiliwatidu? su'allirimizgha jawap tépish üchün merhumning yéqinliridin biri bolghan shwétsiye Uyghur komitétining mu'awin re'isi maynur xanimni ziyaret qilduq.