Shiwétsiyidiki Uyghur qizi öz milliti üchün küch chiqarmaqta

• Ixtiyari muxbirimiz yalqunning bu heqtiki melumati
• Download story audio

Uyghur qizi melike

Shiwétsiyiche isimi ida larson dep atalghan Uyghur qizi melike yéqinda shwétsiye gimnaziye mektipini ela netije bilen tamamlighan we oqush püttürüsh maqalisigha "xitay hökümitining qattiq bésimi astida yashawatqan sherqi türkistandiki Uyghurlar" dégen témini tallighan.

Melike shwétsiyidiki ixtiyari muxbirimiz yalqunning ziyaritini qobul qilip, özining qandaq bolup shwétsiyige kélip qalghanlqi, qandaq bolup öz xelqige qiziqip qalghanliqi we özining buniningdin kéyinki pilanliri heqqide toxtaldi.

Ziyaret axirida Uyghur qizi melikining béqiwalghan apisi qizining uqush püttürgen waqtida mektep yazghan baha sözini ixtiyari muxbirimiz yalqun'gha körsitip turup mundaq deydu:

"Qizim mektepni nahayti ela netije bilen püttürdi. Uning yazghan maqaliliri mektep da'irside daghdugha qozghidi. Eyni chaghda men bu qizni béqiwalidighan chaghda xitay hökümiti teripidin bu ishqa mes'ul bolghan bir xitay emeldari "Uyghurlar döt xelq, kallisi ishlimeydu, bu balini béqiwalsang sanga esqatmaydu, yüzingni tökidu, uningdin köre bir xenzu balisini béqiwalghining yaxshi dégen idi. Men Uyghurlardin bashqa héchkimni baqmaymen dégen idim. Men Uyghurlarni yaxshi körimen. Qizimgha némishqa ida dep isim qoyghanliqimni bilemsen, qizimning ismining béshidiki ikki herp bilen mining ismimning béshidiki ikki herpni qoshsa qeshqediki héytgah meschitining shwétsiye tilidiki Idka dégen yézilishi chiqidu. Men qeshqerni yaxshi körimen".

Bu heqtiki tepsili melumatlarni, shwétsiyidiki ixtiyari muxbirimiz yalqundin anglang.