Бир мейипниң нидаси
-
2006-08-03 -
-
-
Хитай һөкүмәт даирилири даима дегүдәк җәмийәт параванлиқ хизмәтлирини барғанчә яхши елип бериватқанлиқини тәшвиқ қилмақта. Йеқиндила уйғур елиниң хәлқ ишлири органлириму мейипларниң давалиниш суғурта ишлириға мәхсус мәбләғ аҗратқандин сирт, мейипларға һәқсиз өй селип бериш қурулушлирини елип бериватқанлиқини хәвәр қилған иди. Әмма уйғур елида һәқиқи ярдәмгә муһтаҗ мейип кишиләр ярдәмсиз қиливатқанлиқини билдүрмәктә.
Кесәллик сәвәбидин еғир дәриҗидә мейип болуп қалған, қәшқәрдә олтурушлуқ мейип яш таһирҗан, игә, ярдәмсиз қалғанлиқтин башқа давалиниш имканийитигиму еришәлмәй кесәллик әһвали барғанчә еғирлап кетиватқан болуп, бу игә чақисиз қалған таһирҗан, дохтур һәм хәлқ ишлири органлириниң соғақ муамилисигә учриғандин кейин, "мән чоқум сақийип кетимән" дегән ишәнч һәмдә һаятқа болған тәлпүнүш күчидин йеқинда уйғур тор бәтлиригә яхши нийәтлик кишиләрниң өзиниң давалинишиға ярдәм қолини сунишини сорап мураҗиәтнамә елан қилған.
Таһирҗан мухбиримиз гүлчеһрәниң зияритини қобул қилип өз дәрдини аңлатти.