Ташкәнттә мәһмут қәшқири хәлқаралиқ илмий муһакимә йиғини ечилди

2008 - Йилиниң мәһмут қәшқири йили дәп елан қилиниши билән җай - җайларда мәһмут қәшқири вә униң улуғ әсири түркий тиллар дивани тәтқиқатиға даир илмий муһакимә йиғинлири ечилип бу әсәрниң қиммитигә юқири баһа берилмәктә.
Мухбиримиз ирадә
2009-04-29
Елхәт
Пикир
Share
Принт
Профессор доктор керимоф бәхтийар рахманоғли әпәнди йиғинда сөздә.
Профессор доктор керимоф бәхтийар рахманоғли әпәнди йиғинда сөздә.
RFA Photo
Йеқинда өзбекистанниң ташкәнт шәһридиму мәһмут қәшқири вә түркий тиллар дивани һәққидә хәлқаралиқ илмий муһакимә йиғини ечилған болуп, йиғинға һәр қайси оттура асия дөләтлиридин алимлар қатнашқан. Йиғинға йәнә уйғур дияридинму алимлар қатнашқан болуп хитайниң өзбекистанда турушлуқ әлчисиму қатнашқан.

Биз бу йиғин һәққидә тәпсилий мәлумат елиш үчүн өзбекистан хәлқара информатсийә академийисиниң тәтқиқатчиси профессор доктор керимоф бәхтияр рахманоғли әпәнди билән сөһбәт елип бардуқ.

Профессор доктор керимоф бәхтияр рахманоғли әпәнди бу йиғинниң қачан, қәйәрдә ечилғанлиқини вә кимләрниң қатнашқанлиқи үстидә тохталди. Профессор доктор керимоф рахманоғли әпәнди бу илмий муһакимә йиғинида улуғ алим мәһмут қәшқириниң түрк дунясини бирләштүрүп ипадә қилған тунҗи кишилики тәкитләнгәнликини билдүрди.

Профессор доктор керимоф бәхтияр рахманоғли әпәнди йиғинда оттуриға қоюлған мақалиләр һәққидә мәлумат бәрди. У өзиниң йәнә бу йиғинда оттура асия түркий милләтлири арисида учур - алақини асанлаштурудиған ортақ бир тил яритиш керәкликини, буниң мәһмут қәшқириниң ишини давам қилдурғанлиқ болидиғанлиқини оттуриға қойғанлиқини ейтти.

У сөзиниң давамида йәнә, бу қетимқи илмий муһакимә йиғинида орта асиядики түркий хәлқләр арисидики достлуқ, иттипақлиқни қайтидин бәрпа қилишниң қаттиқ тәкитләнгәнликини вә һәр бир түркий хәлқниң өз ана тилини яхши өгәнсила өз - ара чүшиниш һасил қилалайдиғанлиқини билдүрди.
    
 
Толуқ бәт