Tashkentte mehmut qeshqiri xelq'araliq ilmiy muhakime yighini échildi

2008 - Yilining mehmut qeshqiri yili dep élan qilinishi bilen jay - jaylarda mehmut qeshqiri we uning ulugh esiri türkiy tillar diwani tetqiqatigha da'ir ilmiy muhakime yighinliri échilip bu eserning qimmitige yuqiri baha bérilmekte.
Muxbirimiz irade
2009-04-29
Élxet
Pikir
Share
Print
Proféssor doktor kérimof bextiyar raxmanoghli ependi yighinda sözde.
Proféssor doktor kérimof bextiyar raxmanoghli ependi yighinda sözde.
RFA Photo
Yéqinda özbékistanning tashkent shehridimu mehmut qeshqiri we türkiy tillar diwani heqqide xelq'araliq ilmiy muhakime yighini échilghan bolup, yighin'gha her qaysi ottura asiya döletliridin alimlar qatnashqan. Yighin'gha yene Uyghur diyaridinmu alimlar qatnashqan bolup xitayning özbékistanda turushluq elchisimu qatnashqan.

Biz bu yighin heqqide tepsiliy melumat élish üchün özbékistan xelq'ara informatsiye akadémiyisining tetqiqatchisi proféssor doktor kérimof bextiyar raxman'oghli ependi bilen söhbet élip barduq.

Proféssor doktor kérimof bextiyar raxman'oghli ependi bu yighinning qachan, qeyerde échilghanliqini we kimlerning qatnashqanliqi üstide toxtaldi. Proféssor doktor kérimof raxman'oghli ependi bu ilmiy muhakime yighinida ulugh alim mehmut qeshqirining türk dunyasini birleshtürüp ipade qilghan tunji kishiliki tekitlen'genlikini bildürdi.

Proféssor doktor kérimof bextiyar raxman'oghli ependi yighinda otturigha qoyulghan maqaliler heqqide melumat berdi. U özining yene bu yighinda ottura asiya türkiy milletliri arisida uchur - alaqini asanlashturudighan ortaq bir til yaritish kéreklikini, buning mehmut qeshqirining ishini dawam qildurghanliq bolidighanliqini otturigha qoyghanliqini éytti.

U sözining dawamida yene, bu qétimqi ilmiy muhakime yighinida orta asiyadiki türkiy xelqler arisidiki dostluq, ittipaqliqni qaytidin berpa qilishning qattiq tekitlen'genlikini we her bir türkiy xelqning öz ana tilini yaxshi ögensila öz - ara chüshinish hasil qilalaydighanliqini bildürdi.
    
 
Toluq bet