Үрүмчи бәхит йоли районида йүз бәргән 27 ‏- январ вәқәси һәққидә уйғур юртлиридин кәлгән инкас


2008-02-18
Share

Хитайчә чиқидиған 'шиңдав гезити' дә елан қилинған хәвәрдә 'җуңгониң бихәтәрлик қисимлири 18 уйғурни етип ташлиди' дәп баян қилинған иди. Радиомизниң һәқсиз телефон ленийиси арқилиқ телефон қилған бир уйғурниң бу вәқә һәққидә баян қилишичә, бу сан тоғра әмәс, бу уйғурлар үрүмчигә келип мәдикар болуп ишләватқан уйғур яшлири, хитайниң бихәтәрлик органлири буларни тутқанда икки кишини етип ташлиған, 16 сини қолға алған, һазир уларни сорақ қиливатиду, 'булар азадлиқ тәшкилатиниң адәмлири икән' дегән гәпму бар.

Бу бир хил инкас, әмма һазирчә радиомизниң һәқсиз телефон ленийиси арқилиқ әһвал инкас қилишқа тиришқан бу уйғурниң ейтқанлирини испатлайдиған яки рәт қилидиған буниңдин башқа инкас техичә йоқ. Бу кишиниң баян қилишичә, һазир үрүмчидә һәммила җайда җиддийлик бар, тәкшүрүш җиддий.

юқиридики улиништин, мухбиримиз вәли тәйярлиған, 2 ‏- айниң 16 ‏- күнидики һәқсиз телефон хатирисиниң тәпсилатини аңлиғайсиләр.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт