Хоңкоңниң "сумруғ" телевизийисидә памир вәқәси


2007-01-17
Share

8-январ күни хитай даирлири памир тағлиқ раюнида аталмиш шәрқий туркистан террорчилириниң мәшиқ базисиға һуҗум қилип, 18 террорчини өлтүрүп 17 террорчини қолға чүшүргәнлигини елан қилғандин кейин, хәлқарада бу вәқә һәққидә һәр хил гуманий көз қарашлар оттуриға чиқип, хитай һөкүмитиниң терроризмға қарши турушни баһанә қилип уйғурларни бастурватқанлиғи һәққидики пикирләр илгири сүрүватқанлиғиға қаримай, хитай даирлири тәшвиқат вастилирини ишқа сәлип, уйғурларниң кишлик һоқуқ вә әркинлик үчүн елип бериватқан барлиқ сияси паалийәтлирини хәлқараға терроризм қилмиши қилип көрситишкә болған урунушлирини йәнә бир қетим әвҗигә көтүрмәкчи боливатиду.

10-12- январ күнлири һоң коң "сумруғ" телевизийисиниң явропа дөләтлиригә суний һәмраһ арқилиқ тарқитилған программисида памир вәқәси һәққидә кәң һәҗимлик хәвәр анализи берилгән. "Сумруғ" телвизийә қанили нөвәттә хәлқараға тарқитилидиған хитай тилидики әң нопузлуқ телвизийә қаналлиридин бири болуп, әсли бу қанал 1997 –йили хоңкоң хитайға қайтурулуп берилиштин бурун тамамән тәрәпсиз, мустәқил бир ахбарат вастиси сүпитидә иш елип бериватқан болсиму, 1997-йили хоңкоң хитайға қайтуруп берилгәндин кейин, битәрәплик мәйданини йоқитип, бара-бара хитай мәркизи һөкүмитиниң тәшвиқат мәқсәтлиригә уйғунлишишқа башлиған. Шундақтиму бу телвизийә қанилиниң чәтәлләрдики хитай көчмәнлири арисидики тәсири йәнила хели зор икән.

"Сумруғ" телевизийисиниң көрситишлиригә узундин диққәттә болуп келиватқан голландийәдә яшаватқан, ғалип әпәнди "сумруғ" телевизийиси вә "сумруғ" телевизийисиниң памир вәқәси һәққидә бәргән программиси һәққидә тохталди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт