Xongkongning "sumrugh" téléwiziyiside pamir weqesi


2007-01-17
Share

8-Yanwar küni xitay da'irliri pamir taghliq rayunida atalmish sherqiy turkistan térrorchilirining meshiq bazisigha hujum qilip, 18 térrorchini öltürüp 17 térrorchini qolgha chüshürgenligini élan qilghandin kéyin, xelq'arada bu weqe heqqide her xil gumaniy köz qarashlar otturigha chiqip, xitay hökümitining térrorizmgha qarshi turushni bahane qilip Uyghurlarni basturwatqanlighi heqqidiki pikirler ilgiri sürüwatqanlighigha qarimay, xitay da'irliri teshwiqat wastilirini ishqa selip, Uyghurlarning kishlik hoquq we erkinlik üchün élip bériwatqan barliq siyasi pa'aliyetlirini xelq'aragha térrorizm qilmishi qilip körsitishke bolghan urunushlirini yene bir qétim ewjige kötürmekchi boliwatidu.

10-12- Yanwar künliri hong kong "sumrugh" téléwiziyisining yawropa döletlirige sun'iy hemrah arqiliq tarqitilghan programmisida pamir weqesi heqqide keng hejimlik xewer analizi bérilgen. "Sumrugh" télwiziye qanili nöwette xelq'aragha tarqitilidighan xitay tilidiki eng nopuzluq télwiziye qanalliridin biri bolup, esli bu qanal 1997 –yili xongkong xitaygha qayturulup bérilishtin burun tamamen terepsiz, musteqil bir axbarat wastisi süpitide ish élip bériwatqan bolsimu, 1997-yili xongkong xitaygha qayturup bérilgendin kéyin, bitereplik meydanini yoqitip, bara-bara xitay merkizi hökümitining teshwiqat meqsetlirige uyghunlishishqa bashlighan. Shundaqtimu bu télwiziye qanilining chet'ellerdiki xitay köchmenliri arisidiki tesiri yenila xéli zor iken.

"Sumrugh" téléwiziyisining körsitishlirige uzundin diqqette bolup kéliwatqan gollandiyede yashawatqan, ghalip ependi "sumrugh" téléwiziyisi we "sumrugh" téléwiziyisining pamir weqesi heqqide bergen programmisi heqqide toxtaldi.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet