Teywen birleshken döletler teshkilatigha eza bolup kirelemdu?

• Muxbirimiz welining bu heqtiki toluq melumati
• Download story audio

Teywen hökümiti 7 ‏- ayning 20 ‏- küni birleshken döletler teshkilatigha 'teywen' dégen nam bilen kirish üchün resmiy iltimas sundi. 'Fransiye agéntliqi'ning teybéydin bayan qilishiche, teywen buningdin burun 'jungxu'a min'go' dégen nam bilen birleshken döletler teshkilatigha kirish üchün 14 yil heriket qilip muweppeqiyet qazinalmidi.

Emdi teywen hökümiti buyil 5 ‏- ayda 'teywen' dégen nam bilen dunya sehiye teshkilatigha eza bolush üchün iltimas yollighan idi. Teywenning bu herikiti qismen da'iride qollashqa érishti. Emdi teywen hökümiti yene 'teywen' dégen nam bilen birleshken döletler teshkilatigha eza bolush üchün iltimas yollidi.

Teywen hökümiti b d t gha ez bolush üchün üchün töt jehettin shert hazirlighanliqini gewdilendürdi

'Amérika awazi'ning xewer qilishiche, hazirqi teywen hökümitining bu qétim birleshken döletler teshkilatigha eza bolush üchün yollighan iltimasida, teywendiki 23 milyon xelqning b d t qanunining teng -barawerlik prinsipi asasida, uninggha ez a bolup kirish hoquqi barliqi؛ teywende hazir% 77 din artuq dölet puqrasi b d t d ge 'teywen' dégen nam bilen kirishni qollawatqanliqi؛ teywen hazir dunya buyiche 18 ‏- orunda turidighan iqtisadiy gewde, 16 ‏- orunda turidighan soda döliti we 7 ‏- orunda turidighan meblegh salghuchi dölet bolup turuwatqanliqi üchün, teywen alliqachan b d t gha eza bolush shertini hazirlap bolghanliqi gewdilendürülgen.

1949 ‏- Yili jungxu'a min'go teywenni bölüwalghan idi

'Roytrs agéntliqi'ning béyjingdin xewer qilishiche, kommunist xitay hökümiti teywenning b d t ge eza bolush herikitini 'junggodin bölünüp chiqishqa urun'ghanliq' dep eyibligen we teywenni 'junggoning bir qismi' dep tekitligen. Xewerde bayan qilinishiche, teywen xitayda yüz bergen ichki urushning netijiside, 1949 ‏- yili bölünüp chiqqan idi.

Chong quruqluqtiki kommunist hökümiti 1971 ‏- yili jungxu'a min'goning b d t diki ornini tartiwaldi. Shuningdin kéyin, teywendiki jungxu'a min'go b d t ge qaytidin kirish üchün heriket qilip kelgen bolsimu, emma netijisi körünmidi.

Doktor erkin ekremning amérika-xitay munasiwitidiki teywen mesilisi heqqidiki mulahizisi

Hazir teywendiki chingyün uniwérsitétida tetqiqat bilen shughulliniwatqan doktor erkin ekrem teywenning b d t ge kirish herikiti toghrisida mulahize yürgüzüp, ötken esrning 70 ‏- yillirida bashlan'ghan amérika -xitay déplomatiyisi astidiki teywen mesilisi, 80 ‏- yillardin kéyin teywende démokratiyining tereqqi qilghanliqi, teywende jungxu'a min'gochilar ghelibe qilalmay kéliwatqanliqi heqqide toxtaldi.

Teywenning birleshken döletler teshkilatigha eza bolup kirelishi, axiriqi hésabta teywen xelqning qet'iy iradisige baghliq

Doktor erkin ekrem teywenning b d t ge ez bolup kirishining istiqbali heqqide toxtalghanda, gerche teywen bu yolda köp qéyinchiliqqa duch kelsimu, emma teywenning birleshken döletler teshkilatigha eza bolup kirelishi, axirqi hésabta yenila teywen xelqning qet'iy iradisige baghliq dep körsetti . (Weli)