7- Nöwetlik xelq'ara ottura asiya tetqiqat yighini teywende échildi

• Muxbirimiz erkin tarimning bu heqtiki toluq melumati
• Download story audio

7-Nöwetlik xelq'araliq ottura asiya tetqiqat yighini teywen chingyün téxnika uniwérsitétida chaqirildi. Teywen chingyün téxnika uniwérsitéti ottura asiya tetqiqat merkizi teripidin chaqirilghan bu ilmiy muhakime yighinigha rusiye, qazaqistan, litwa, mongghuliye, özbékistan we türkiye qatarliq döletlerdin bolup 33 mutexessis qatniship ilmiy maqalilirini oqup ötken.

Bu qétimqi yighinda türkiye hajettepe uniwérsitéti tarix fakultéti oqutquchisi erkin ekremmu qatnashqan. Erkin ekrem ependi bu ilmiy muhakime yighinida xitayning yipek yoli siyasiti we sherqiy türkistanning istratégiyilik ehmiyiti témisida söz qilghan. Bu sözi yighin ehlining qattiq diqqet étibarini qozghighan, bezi bilim ademliri erkin ekremning qilghan sözige yuqiri baha bergen.

Chingyün téxnika uniwérsitéti oqutquchisi, ottura asiya tetqiqat merkizi bashliqi proféssor dr. Jan kunfu ependi erkin ekremning sözige baha bérip mundaq dédi: "biz bu qétimqi yighinimizgha türkiyidin erkin ekremni teklip qilip ekileligenlikimiz üchün nahayiti xursen bolduq. Uning maqalisining bu qétimqi yighinimiz üchün nahayiti köp paydisi boldi. Biz bu qétimqi yighinimizgha ikki muhim bilim adimi chaqirduq. Birsi shangxey istatistika uniwérsitétidin proféssor wang suyda'o, yene birsi bolsa teywendiki tonulghan uniwérsitétlardin biri bolghan danji'ang uniwérsitéti istratégiye tetqiqat merkizi bashliqi proféssor doktor wang ga'ochun. U doktor erkin ekremning maqalisigha nahayiti yuqiri baha berdi. Shunga bu qétimqi yighinimiz nahayiti muweppeqiyetlik boldi dep oylaymen. "

Bu yighinni chaqirghan ottura asiya tetqiqat merkizi bashliqi proféssor doktor . Ji'ankunfu ependi, bu yighinni chaqirishidiki meqset üstide toxtilip mundaq dédi: "bu yighinni chaqirishimizdiki meqset, teywenning ottura asiya döletliri we milletliri bilen siyasiy, iqtisadiy, medeniyet we soda munasiwetlirini tereqqi qildurush. Ottura asiya xelqining tarixi, medeniyiti, tili we bashqa döletler bilen bolghan munasiwetlirini tetqiq qilishtin ibaret." (Erkin tarim)