Чиңхуа университетида шәрқий түркистан мәсилиси һәққидә лексийә өткүзүлди (2)


2007-10-30
Share

Түркийә һаҗәттәпә университети тарих оқутқучиси, истратегийә мутәхәссиси әркин әкрәм тәйвән чиңхуа университети билән тәйвәндики атақлиқ лоңйиңтай вәхпидә лексийә бәрди.

Әркин әкрәм әпәнди 10-айниң 26-күни чүштин кейин тәйвән чиңхуа университетида "шәрқий түркистан мәсилиси" темисида, 10-айниң 27-күни атақлиқ лоңйиңтәй вәхпидә болса чечән мәсилиси һәққидә лексийә бәргән. Шәрқий түркистан мәсилиси намлиқ лексийисигә тәйвән чиңхуа университети, оқутқучи оқуғучлири вә башқа идарә җәмийәтләрдин кәлгән кишиләрдин болуп, көп санда киши қатнашқан.

Др. Әркин әкрәм бу лексийисидә шәрқий түркистан мәсилисиниң қандақ оттуриға чиққанлиқи вә шәрқий түркистан мәсилисиниң оттуриға чиқиш тарихини, шәрқий түркистан мәсилисиниң бүгүнки әһвали һәққидә тохталған. Әркин әкрәм лексийисидә шәрқий түркистанниң истратегийилик әһмийитиниң наһайити юқири икәнликини, шуңлашқа чоң дөләтләрниң шәрқий туркистан мәсилисигә қизиқиватқанлиқини, шәрқий туркистан мәсилисиниң хитайниң күчлүк дөләт болушиниң алдини тосайдиған икки мәсилидин бири икәнликини ейтқан. У йәршарлишиватқан күнимиздә шәрқий түркистан мәсилисиниңму дуня күн тәртипигә кәлгәнликини ейтқан.

Лексийиниң ахирида уйғур дияриға берип өз көзи билән көрүп кәлгән бәзи оқутқучи вә оқуғучилар уйғур диярида көргәнлирини мисал көрситип туруп др. Әркин әкрәмгә соалларни сориған. Бу һәқтә тәпсили мәлумат елиш үчүн һазир тәйвәндә зиярәт елип бериватқан др. Әркин әкрәм билән телефон зиярити елип бардуқ.

Бүгунки програмимизда 10-айниң 27-куни атақлиқ луң йиңтәй вәқпидә чечән мәсилиси һәққидә бәргән лексийиси һәққидә мәлумат беримиз. Доктор әркин әкрәм лексийисидә чечән мәсилиси билән шәрқий туркистан мәсилисини селиштуруп чиққан. (Әркин тарим)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт