Chingxu'a uniwérsitétida sherqiy türkistan mesilisi heqqide léksiye ötküzüldi (2)

• Muxbirimiz erkin tarimning bu heqtiki toluq melumati
• Download story audio

Türkiye hajettepe uniwérsitéti tarix oqutquchisi, istratégiye mutexessisi erkin ekrem teywen chingxu'a uniwérsitéti bilen teywendiki ataqliq longyingtay wexpide léksiye berdi.

Erkin ekrem ependi 10-ayning 26-küni chüshtin kéyin teywen chingxu'a uniwérsitétida "sherqiy türkistan mesilisi" témisida, 10-ayning 27-küni ataqliq longyingtey wexpide bolsa chéchen mesilisi heqqide léksiye bergen. Sherqiy türkistan mesilisi namliq léksiyisige teywen chingxu'a uniwérsitéti, oqutquchi oqughuchliri we bashqa idare jem'iyetlerdin kelgen kishilerdin bolup, köp sanda kishi qatnashqan.

Dr. Erkin ekrem bu léksiyiside sherqiy türkistan mesilisining qandaq otturigha chiqqanliqi we sherqiy türkistan mesilisining otturigha chiqish tarixini, sherqiy türkistan mesilisining bügünki ehwali heqqide toxtalghan. Erkin ekrem léksiyiside sherqiy türkistanning istratégiyilik ehmiyitining nahayiti yuqiri ikenlikini, shunglashqa chong döletlerning sherqiy turkistan mesilisige qiziqiwatqanliqini, sherqiy turkistan mesilisining xitayning küchlük dölet bolushining aldini tosaydighan ikki mesilidin biri ikenlikini éytqan. U yersharlishiwatqan künimizde sherqiy türkistan mesilisiningmu dunya kün tertipige kelgenlikini éytqan.

Léksiyining axirida Uyghur diyarigha bérip öz közi bilen körüp kelgen bezi oqutquchi we oqughuchilar Uyghur diyarida körgenlirini misal körsitip turup dr. Erkin ekremge so'allarni sorighan. Bu heqte tepsili melumat élish üchün hazir teywende ziyaret élip bériwatqan dr. Erkin ekrem bilen téléfon ziyariti élip barduq.

Bügunki programimizda 10-ayning 27-kuni ataqliq lung yingtey weqpide chéchen mesilisi heqqide bergen léksiyisi heqqide melumat bérimiz. Doktor erkin ekrem léksiyiside chéchen mesilisi bilen sherqiy turkistan mesilisini sélishturup chiqqan. (Erkin tarim)