Xitay eskerliri bilen Uyghurlar arisida qoralliq toqunush yüz berdi

• Muxbirimiz eqidening bu heqtiki melumati
• Download story audio

1 ‏- Ayning 8 ‏- küni, shinjang jama'et xewepsizlik nazariti axbarat élan qilish yighini échip, 1 ‏- ayning 5 ‏- küni pamir téghi rayonida xitay eskerlirining "sherqiy türkistan islam herikiti " ning küchlirige qorshap hujum qilip, 18 ademni étip tashlighanliqini, 17 ademni qolgha élip, 22 dane qol bombisi, 1500 danidin artuq qurashturulmighan qol bombisini qolgha chüshürgenlikini bildürdi.

Tengritagh torining bu heqte bergen xewiride bayanatchi bayenning bildürüshiche, 2002 ‏- yili 9 ‏- ayning 11 ‏- küni, birleshken döletler teshkilati teripidin térrorluq teshkilati dep élan qilin'ghan "sherqiy türkistan islam herikiti" teshkilatining tayanch küchliri chet'el chégrisidin kirip, bir türküm térrorchilarni yighip, pamir téghi rayonida térrorchiliqni yétishturidighan meshiq bazisi qurghan. 2007 ‏- Yili 1 ‏- ayning 5 ‏- küni xitay saqchi da'iriliri mezkür teshkilatqa hujum qozghighan, xitay da'iriliri teripidin "sherqiy türkistan islam herikiti" teshkilatining tayanch küchliri dep atalghan mezkur teshkilatning ezaliri xitay eskerlirige qoralliq qarshiliq körsitip, xitay eskiridin birini étip tashlighan, yene birini yarilandurghan.

Bu arida sherqiy türkistan uchur merkizi, xitay hakimyitige qarshi qoralliq tirkishish élip bériwatqan melum bir Uyghur teshkilatining, sherqiy türkistanning barin yézisida 50 kishidin terkip tapqan mexpiy bir etret qurup, yézining chétidiki melum bir jayda yoshurun halda herbiy telim - terbiye merkizi qurup, qoralliq meshiq élip barghanliqini we barin yézisida 2 ‏- qétimliq xelq qozghilingi qozghashni pilan qilghanliqini, 1 ‏- ayning 5 ‏-küni xitay hökümiti bir qisim jengchilerni qolgha chüshürgenlikini we bir qisimlirining qéchip ketkenlikini xewer qildi.

Biz bu heqte éniq melumatqa érishish üchün, Uyghur elge téléfon urup ehwal igileshke tirishti.