Торонтода 20 миң кишилик намайиш өткүзүлди

Санаәтләшкән 20 дөләт алий дәриҗиликләр учришиши 26 - июн күни канаданиң торонто шәһиридә башланди. Йиғинға хитай дөләт рәиси ху җинтавму қатнишиватқан болуп, торонтода яшаватқан уйғурлар ху җинтавниң бу учришишқа қатнишиватқанлиқиға наразилиқ билдүрүп 26 - июн күни намайиш қилди. Намайишқа торонто вә торонто әтрапида яшаватқан 50 дин артуқ уйғур қатнашти.
Мухбиримиз гүлшән абдуқадир
2010-06-28
Елхәт
Пикир
Share
Принт
Сүрәт, 26 - ийун, торонтода йашаватқан уйғурлар ху җинтавниң бу учришишқа қатнишиватқанлиқиға наразилиқ билдүрүп қилған намайиштин бир көрүнүш.
Сүрәт, 26 - ийун, торонтода йашаватқан уйғурлар ху җинтавниң бу учришишқа қатнишиватқанлиқиға наразилиқ билдүрүп қилған намайиштин бир көрүнүш.
RFA Photo / Gulshen

Шу күни қаттиқ ямғур йеғиватқиниға қаримай, намайиш әтигән саәт 10 дин кәч саәт 4 кә қәдәр давамлашти. Канада бу қетимқи учришишниң бихәтәрлики үчүн 2 милярд доллар хәҗлигән болуп, йиғин ечиливатқан шәһәр мәркизигә кириш қаттиқ чәкләнгәнлики үчүн намайишчилар намайишни куйинис бағчисида елип барди.

Бу қетимқи намайишни канада уйғур җәмийити тәшкиллигән болуп, намайиш җәрянида канада уйғур җәмийитиниң рәиси руқийә турдуш ханим зияритимизни қобул қилди.
 
Намайишқа уйғурлар, тибәтләр, фалунгоңчилар, тамиллар, вейтнамлиқлар шуниңдәк канададики һәр қайси аммиви тәшкилатлар, һәр қайси шәһәр, вилайәтләрдин мәхсус намайиш қилиш үчүн торонтоға топланған университет оқуғучилири болуп 20 миңдин артуқ адәм қатнашти. Шу күнки намайишқа қатнашқан шакир әпәнди өзиниң ху җинтавға болған наразилиқини билдүрүп өз дөлитиниң ички мәсилилирини тоғра һәл қилалмиған ху җинтавдәк диктатурниң дуня мәсилилирини һәл қилидиған учришишларға қатнишиш салаһийитиниң йоқлуқини билдүрди.

Канадада 1 милйон 300 миң хитай нопуси болғандин башқа, 42 миңдин артуқ хитай оқуғучи оқуйду. Хитайлар бундин 100 йил аввал канадаға төмүр йол ясаш үчүн келип йәрләшкән хитайларниң әвлади икәнлики мәлум. Уйғурларниң канадаға йәрләшкинигә оттура һесаб билән әмдила 10 йил болған болуп, уйғур көзәткүчиләр канададики уйғурларниң нопус җәһәттин аз, канадаға йәрлишиш тарихиниң қисқа болушиға қаримай, өзлириниң хитайниң мустәмликә қилишиға учриған бир милләт икәнликини,тил мәдәнийәт, диний етиқад вә өрп ‏ - адәт җәһәттә хитайдин түптин пәрқлинидиғанлиқини изчил һалда канада хәлқигә аңлитип келиватқан, күчлүк қаршилиқ көрситиш роһиға игә бир милләт икәнликини илгири сүрмәктә икән.

Шу күнки намайишқа, канада уйғур җәмийити орунлаштурған һәр қандақ намайишларға актиплиқ билән иштирак қилип келиватқан, һазир торонтода яшаватқан 60 яшлиқ туранхан һәдиму қатнишип җәңгивар шоарлири билән канада мәтбуатлириниң алаһидә диққитини тартти. У намайиш җәрянида зияритимизни қобул қилип өз наразилиқлирини баян қилди.

Юқиридики аваз улинишидин, бу һәқтики мәлуматимизниң тәпсилатини аңлайсиләр.

 
Толуқ бәт