Torontoda 20 ming kishilik namayish ötküzüldi

Sana'etleshken 20 dölet aliy derijilikler uchrishishi 26 - iyun küni kanadaning toronto shehiride bashlandi. Yighin'gha xitay dölet re'isi xu jintawmu qatnishiwatqan bolup, torontoda yashawatqan Uyghurlar xu jintawning bu uchrishishqa qatnishiwatqanliqigha naraziliq bildürüp 26 - iyun küni namayish qildi. Namayishqa toronto we toronto etrapida yashawatqan 50 din artuq Uyghur qatnashti.
Muxbirimiz gülshen abduqadir
2010-06-28
Élxet
Pikir
Share
Print
Süret, 26 - iyun, torontoda yashawatqan uyghurlar xu jintawning bu uchrishishqa qatnishiwatqanliqigha naraziliq bildürüp qilghan namayishtin bir körünüsh.
Süret, 26 - iyun, torontoda yashawatqan uyghurlar xu jintawning bu uchrishishqa qatnishiwatqanliqigha naraziliq bildürüp qilghan namayishtin bir körünüsh.
RFA Photo / Gulshen

Shu küni qattiq yamghur yéghiwatqinigha qarimay, namayish etigen sa'et 10 din kech sa'et 4 ke qeder dawamlashti. Kanada bu qétimqi uchrishishning bixeterliki üchün 2 milyard dollar xejligen bolup, yighin échiliwatqan sheher merkizige kirish qattiq cheklen'genliki üchün namayishchilar namayishni kuyinis baghchisida élip bardi.

Bu qétimqi namayishni kanada Uyghur jem'iyiti teshkilligen bolup, namayish jeryanida kanada Uyghur jem'iyitining re'isi ruqiye turdush xanim ziyaritimizni qobul qildi.
 
Namayishqa Uyghurlar, tibetler, falun'gongchilar, tamillar, wéytnamliqlar shuningdek kanadadiki her qaysi ammiwi teshkilatlar, her qaysi sheher, wilayetlerdin mexsus namayish qilish üchün torontogha toplan'ghan uniwérsitét oqughuchiliri bolup 20 mingdin artuq adem qatnashti. Shu künki namayishqa qatnashqan shakir ependi özining xu jintawgha bolghan naraziliqini bildürüp öz dölitining ichki mesililirini toghra hel qilalmighan xu jintawdek diktaturning dunya mesililirini hel qilidighan uchrishishlargha qatnishish salahiyitining yoqluqini bildürdi.

Kanadada 1 milyon 300 ming xitay nopusi bolghandin bashqa, 42 mingdin artuq xitay oqughuchi oquydu. Xitaylar bundin 100 yil awwal kanadagha tömür yol yasash üchün kélip yerleshken xitaylarning ewladi ikenliki melum. Uyghurlarning kanadagha yerleshkinige ottura hésab bilen emdila 10 yil bolghan bolup, Uyghur közetküchiler kanadadiki Uyghurlarning nopus jehettin az, kanadagha yerlishish tarixining qisqa bolushigha qarimay, özlirining xitayning mustemlike qilishigha uchrighan bir millet ikenlikini,til medeniyet, diniy étiqad we örp ‏ - adet jehette xitaydin tüptin perqlinidighanliqini izchil halda kanada xelqige anglitip kéliwatqan, küchlük qarshiliq körsitish rohigha ige bir millet ikenlikini ilgiri sürmekte iken.

Shu künki namayishqa, kanada Uyghur jem'iyiti orunlashturghan her qandaq namayishlargha aktipliq bilen ishtirak qilip kéliwatqan, hazir torontoda yashawatqan 60 yashliq turanxan hedimu qatniship jenggiwar sho'arliri bilen kanada metbu'atlirining alahide diqqitini tartti. U namayish jeryanida ziyaritimizni qobul qilip öz naraziliqlirini bayan qildi.

Yuqiridiki awaz ulinishidin, bu heqtiki melumatimizning tepsilatini anglaysiler.

 
Toluq bet