Уйғур ели хәлқиниң турмуш сәвийиси хитай бойичә әң төвән


2005.12.22
oil-bugur-nefit.jpg
2003-Йили 13-сентәбир күни бүгүр наһийисидики бир нефитликтә тартилған рәсим. Гәрчә уйғур ели хитайниң асаслиқ нефит базисиға айланған болсиму хәлқниң кирими йәнила хитай бойичә әң төвән. AFP

Хитай һөкүмитиниң 22 - декабир күни хәвәр торида елан қилған бир статистикисидин ашкарилинишичә, хитайниң иқтисад тәкшүрүш даирилири 11 -айда хитайниң һәр қайси өлкә бивастә қарашлиқ шәһәрлиридики хәлқниң иқтисадий кирими йәни киши бешиға тоғра келидиған айлиқ кирим пәрқи һәққидә тәкшүрүш елип барған болуп, тәкшүрүш нәтиҗисидә шаңхәй шәһәр аһалисиниң оттуричә айлиқ кирими 1641 сом болуп әң юқири чиққан. Уйғур елиниң болса буниң йеримиғиму тоғра кәлмигән болуп, 740 сом икән шундақла бу статистикидин уйғур елиниң хитай бойичә әң арқида қалғанлиқи мәлум болған.

Йәни бу уйғур елидики хәлқниң оттуричә иқтисади кириминиң һәтта хәлқаралиқ өлчәм бойичә әң төвән турмуш сәвийиси өлчимигиму йәтмәйдиғанлиқини көрситиду. Бу уйғур ели хәлқниң турмуш сәвийисиниң хитай өлкилириниң һәммисидин төвән икәнликини көрсәткәндин башқа, хитайниң бай‏- кәмбәғәллик өлчими бойичиму йилиға 30 миң сом кирим қилалайдиған әң төвән турмуш сәвийисигиму йәтмигәнликини көрситип бериду.

Хитай һөкүмити техи йеқиндила уйғур аптонум райони қурулғанлиқиниң 50 йиллиқи мунасивити билән тарқатқан тәшвиқатлирида, уйғур елиниң иқтисади тәрәққиятиниң учқандәк илгирилигәнликини, хәлқниң иқтисади кириминиң барғанчә ешип бериватқанлиқини оттуриға қойған иди. Әмма буниңға мунасивәтлик елан қилиниватқан статистикилиқ мәлуматлардин санлиқ пәрқләр наһайити рошән болмақта. Бу мунасивәт билән биз уйғур елидики бәзи шәһәр һәм наһийиләрдики аммидин уларниң иқтисади кирими һәққидә мәлумат алдуқ.

Бу һәқтики мәлуматларни, мухбиримиз гүлчеһрәниң мәхсус программисидин аңлаң.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.