Uyghur éli xelqining turmush sewiyisi xitay boyiche eng töwen
2005.12.22

Xitay hökümitining 22 - dékabir küni xewer torida élan qilghan bir statistikisidin ashkarilinishiche, xitayning iqtisad tekshürüsh da'iriliri 11 -ayda xitayning her qaysi ölke biwaste qarashliq sheherliridiki xelqning iqtisadiy kirimi yeni kishi béshigha toghra kélidighan ayliq kirim perqi heqqide tekshürüsh élip barghan bolup, tekshürüsh netijiside shangxey sheher ahalisining otturiche ayliq kirimi 1641 som bolup eng yuqiri chiqqan. Uyghur élining bolsa buning yérimighimu toghra kelmigen bolup, 740 som iken shundaqla bu statistikidin Uyghur élining xitay boyiche eng arqida qalghanliqi melum bolghan.
Yeni bu Uyghur élidiki xelqning otturiche iqtisadi kirimining hetta xelq'araliq ölchem boyiche eng töwen turmush sewiyisi ölchimigimu yetmeydighanliqini körsitidu. Bu Uyghur éli xelqning turmush sewiyisining xitay ölkilirining hemmisidin töwen ikenlikini körsetkendin bashqa, xitayning bay- kembeghellik ölchimi boyichimu yiligha 30 ming som kirim qilalaydighan eng töwen turmush sewiyisigimu yetmigenlikini körsitip béridu.
Xitay hökümiti téxi yéqindila Uyghur aptonum rayoni qurulghanliqining 50 yilliqi munasiwiti bilen tarqatqan teshwiqatlirida, Uyghur élining iqtisadi tereqqiyatining uchqandek ilgiriligenlikini, xelqning iqtisadi kirimining barghanche éship bériwatqanliqini otturigha qoyghan idi. Emma buninggha munasiwetlik élan qiliniwatqan statistikiliq melumatlardin sanliq perqler nahayiti roshen bolmaqta. Bu munasiwet bilen biz Uyghur élidiki bezi sheher hem nahiyilerdiki ammidin ularning iqtisadi kirimi heqqide melumat alduq.
Bu heqtiki melumatlarni, muxbirimiz gülchéhrening mexsus programmisidin anglang.
Munasiwetlik maqalilar
- Uyghur élide milyonlighan namrat amma jiddiy yardemge muhtaj
- Téximu köp xitaylar Uyghur élige kélip xizmet izdimekte
- Xitayda "namratlar" dégen sözning ornigha "aq köngül ademler" dep qollinish omumlashmaqta
- Uyghur élidiki musulmanlar kembeghellik we bésim ichide ötmekte
- Xitayda xelq, hökümetning sehiye sahesidiki islahatidin narazi bolmaqta
- Xitay we Uyghur élide élip bériliwatqan dawalash islahati meghlubiyetke uchridi
- Xitayda namratlar mesilisi éghirlashmaqta