Түркий хәлқләргә балайи - апәт елип кәлгән иккинчи җаһан уруши

5 - Айниң 8 - 9 - күнлири явропадики көп қисим дөләтләр тәрипидин гитлер германийисиниң таҗавузчилиқ уруши үстидин ғәлибә қилған "ғалибийәт байрими" күни қилип бекитилгән болуп, сабиқ совет иттипақи вә һазирқи русийә һәм башқа мустәқил дөләтләр һәмдостлуқиға әза мәмликәтләр 9 - май күнини ғалибийәт күни сүпитидә 63 йилдин бери изчил хатириләп кәлмәктә.
Мухбиримиз үмидвар хәвири
2008.05.14

 Инсанийәткә еғир балайи - апәтләрни елип кәлгән иккинчи җаһан уруши җүмлидин гитлер фашизиминиң таҗавузчилиқиға қарши уруш җәрянида инсанийәт интайин зор бәдәл төлиди.

Бу җәрянда әң көп адәм өлгән дөләт совет иттипақи болуп, таки совет иттипақи йимирилғичә болған арилиқта совет һөкүмити 1941 - йилидин 1945 - йилиғичә давамлашқан мәзкур төт йиллиқ уруш җәрянида 18 милйон совет хәлқиниң чиқим болғанлиқини ейтип кәлгән. Лекин, совет иттипақиниң йимирилишидин кейин ениқланған көплигән мәхпийәтликләр вә тәкшүрүшләр нәтиҗисидин паш болушичә, уруш җәрянида өлгәнләрниң сани 27 милйонға йәткән.

Бу урушта уйғурларни өз ичигә алған түркий милләтләрниң тәхминән икки милйонға йеқин оғул - қизлири оз һаятини тәқдим қилған болуп, түркий хәлқләр уруш мәйданлиридин йирақта яшиғанға қаримай, охшашла зор бәдәл төлигән.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.