Д у қ, түркийиниң улусал телевизийисиниң әйиблишигә рәддийә билдүрди


2007-12-03
Share

Түркийә ишчилар партийиси башлиқи догу перинчәк әпәнди. RFA Photo /Erkin Tarim

Түркийиниң улусал телевизийисидә 12- айниң 1-күни ахшам 9 да берилгән "чиқиш йоли" намлиқ программида шәрқий түркистан тәшкилатлири террорчилиқ билән әйибләнди. Дуня уйғур қурултийи яшлар комитетиниң түркийә вәкили абдуллаһ турсун әпәнди нәқ мәйданға телефон қилип бу әйибләшкә рәддийә билдүрди.

Журналист рафәт балли әпәнди риясәтчилик қилған бу телевизийә программида, түркийә ишчилар партийиси башлиқи догу перинчәк әпәнди бир һәптилик муһим хәвәрләр һәққидә тәһлил елип бариду. Мана бу программида шәрқий түркистан тәшкилатлири террорлуқ паалийәт елип барди дәп әйибләнди.

Түркийидики улусал телевизийисидики бу программида шәрқий түркистан тәшкилатлири немә дәп әйибләнди? д у қ яшлар комитети түркийә вәкили абдуллаһ турсун немә дәп рәддийә билдүрди? телевизийә көргүчиләр буниңға қандақ реаксийә көрсәтти?

Д у қ яшлар комитети түркийә вәкили абдуллаһ турсун билән елип барған сөһбәттә, хитай һөкүмитиниң түркийидики сотсиялистик идийидики партийиләр арқилиқ уйғурларни террорист дәп әйиблитиватқанлиқини, әмма түркийидә бу хил киши вә партийиләрниң наһайити аз икәнликини ейтти. У йәнә сөзидә түркләрниң шәрқий түркистан мәсилисини яхши билидиғанлиқини һәм чин қәлбидин һесдашлиқ қиливатқанлиқини тәкитлиди. (Әркин тарим)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт