D u q, türkiyining ulusal téléwiziyisining eyiblishige reddiye bildürdi


2007-12-03
Share

Türkiye ishchilar partiyisi bashliqi dogu périnchek ependi. RFA Photo /Erkin Tarim

Türkiyining ulusal téléwiziyiside 12- ayning 1-küni axsham 9 da bérilgen "chiqish yoli" namliq programmida sherqiy türkistan teshkilatliri térrorchiliq bilen eyiblendi. Dunya Uyghur qurultiyi yashlar komitétining türkiye wekili abdullah tursun ependi neq meydan'gha téléfon qilip bu eyibleshke reddiye bildürdi.

Zhurnalist rafet balli ependi riyasetchilik qilghan bu téléwiziye programmida, türkiye ishchilar partiyisi bashliqi dogu périnchek ependi bir heptilik muhim xewerler heqqide tehlil élip baridu. Mana bu programmida sherqiy türkistan teshkilatliri térrorluq pa'aliyet élip bardi dep eyiblendi.

Türkiyidiki ulusal téléwiziyisidiki bu programmida sherqiy türkistan teshkilatliri néme dep eyiblendi? d u q yashlar komitéti türkiye wekili abdullah tursun néme dep reddiye bildürdi? téléwiziye körgüchiler buninggha qandaq ré'aksiye körsetti?

D u q yashlar komitéti türkiye wekili abdullah tursun bilen élip barghan söhbette, xitay hökümitining türkiyidiki sotsiyalistik idiyidiki partiyiler arqiliq Uyghurlarni térrorist dep eyiblitiwatqanliqini, emma türkiyide bu xil kishi we partiyilerning nahayiti az ikenlikini éytti. U yene sözide türklerning sherqiy türkistan mesilisini yaxshi bilidighanliqini hem chin qelbidin hésdashliq qiliwatqanliqini tekitlidi. (Erkin tarim)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet