دېموكراتىيىنىڭ ئىنسان ھەقلىرىگە بولغان تەسىرى


2007.12.10

InsanHeqliri-TurkDunya-200.jpg
2007 - يىلى 10 - دېكابىر ئىنسان ھەقلىرى كۈنى مۇناسىۋىتى بىلەن تۈركىيىنىڭ ئەنقەرە شەھرىدە خەلقئارالىق ئىنسان ھەقلىرىنىڭ دېموكراتىيىگە بولغان تەسىرى ماۋزۇلۇق ئىلمىي مۇھاكىمە يىغىنى چاقىرىلدى. RFA Photo /Erkin Tarim

2007 - يىلى 10 - دېكابىر ئىنسان ھەقلىرى كۈنى مۇناسىۋىتى بىلەن تۈركىيىنىڭ ئەنقەرە شەھرىدە خەلقئارالىق ئىنسان ھەقلىرىنىڭ دېموكراتىيىگە بولغان تەسىرى ماۋزۇلۇق ئىلمىي مۇھاكىمە يىغىنى چاقىرىلدى. تۈركىيىنىڭ كارخانىچىلار ئۇيۇشمىلىرى بىرلىكىنىڭ زالىدا ئۆتكۇزۇلگەن بۇ يىغىنغا ئوتتۇرا ئاسيا تۈركىي جۇمھۇرىيەتلىرى، ئۇكرائىنىيە، گىرىتسىيە، بۇلغارىيە، ئافغانىستان قاتارلىق 17 دۆلەتتىن كەلگەن ئىنسان ھەقلىرى تەشكىلاتلىرى مەسئۇللىرى ۋە ئىنسان ھەقلىرى پائالىيەتچىلىرى قاتناشتى.

12- ئاينىڭ 9- كۈنىدىن 10- كۈنىگىچە داۋام قىلغان بۇ يىغىنغا ئۇيغۇرلارغا ۋاكالىتەن دۇنيا ئۇيغۇر قۇرۇلتېيى قىرغىزىستان ۋەكىلى، قىرغىزىستان دېموكراتىيە ۋە ئىنسان ھەقلىرى جەمىيىتىنىڭ مەسئۇلى تۇرسۇن ئىسلام ئەپەندى قاتناشتى. ئۇ يىغىندا تېررورىزم ۋە دېموكراتىيە تېمىسىدا سۆز قىلدى. ئۇ سۆزىدە ئۇيغۇر دىيارىدا ۋە ئوتتۇرا ئاسيا تۈركىي جۇمھۇرىيەتلىرىدە ئۇيغۇرلار دۇچار بولىۋاتقان ئىنسان ھەقلىرى دەپسەندىلىرى ئۈستىدە توختالدى.

InsanHeqliri-TursunIslm-200.jpg
12-ئاينىڭ 9-كۈنىدىن 10-كۈنىگىچە داۋام قىلغان بۇ يىغىنغا ئۇيغۇرلارغا ۋاكالىتەن دۇنيا ئۇيغۇر قۇرۇلتېيى قىرغىزىستان ۋەكىلى، قىرغىزىستان دېموكراتىيە ۋە ئىنسان ھەقلىرى جەمىيىتىنىڭ مەسئۇلى تۇرسۇن ئىسلام ئەپەندى قاتناشتى. RFA Photo /Erkin Tarim

بۇ يىغىننى تۇرك دۇنياسى ئىنسان ھەقلىرى تەشكىلاتى ئۇيۇشتۇرغان بولۇپ، بۇ يىغىنغا يەنە ئەزەربەيجان پارلامېنت ئەزالىرى، بۇلغارىيىدىكى تۇرك پارتىيىسىدىن سايلانغان پارلامېنت ئەزالىرى، تۈركىيە پارلامېنتى ئىنسان ھەقلىرى كومىتېتى مۇئاۋىن باشلىقى قاتارلىقلار قاتناشتى ۋە سوز قىلدى.

بۇ ھەقتە تەپسىلى مەلۇمات ئېلىش ئۇچۇن يىغىن زالىدا تۇرسۇن ئىسلام ئەپەندىگە مىكروفونىمىزنى ئۇزاتتۇق. (ئەركىن تارىم)

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.