Түркийидә түрк дуняси жорналистлар муһакимә йиғини өткүзүлди


2007-07-19
Share

Дунядики пүтүн түркий милләтләрниң өз - ара тонушуши вә өз-ара мунасивәтлирини күчәйтиш мәқсити билән һәрйили түркийиниң ялова шәһиридә өткүзүлүватқан түркий милләтләр мәдәнийәт байриминиң 10-нөвәтлики өткүзүлди. 7-Айниң 10-күнидин 19-күнигичә давам қилған бу мәдәнийәт байрими рамкиси ичидә түрк дуняси жорналистлар муһакимә йиғини өткүзүлди.

Бу муһакимигә оттура асия түркий җумһурийәтлири вә дуняниң һәрқайси җайлиридин кәлгән түркий милләт жорналистлири қатнашқан болуп, илмий муһакимә йиғинида түрк дунясида хәвәрлишиш вә учур - алақә, түрк дунясида маарип вә тил, түрк дунясида енергийә вә кәркүк, түрк дунясиниң бир - биридин күтидиған үмүтлири қатарлиқ темилар музакирә қилинған. Бу илми муһакимә йиғин нәтиҗисидә түрк дуняси жорналистлири конференсийиниң һәр йили өткүзүлүшигә қарар қилинған вә түрк дуняси жорналистлири бирликиниң қурулғанлиқи елан қилинған. Илми муһакимә йиғини ахирида мәтбуат баяннамиси елан қилинған болуп, бу баяннамидә түркийә дучар боливатқан терорлоқ һуҗум вә ирақ, уйғур дияридики түркий милләтләр дучар боливатқан бесим сиясити әйибләнгән.

Түркийидә өткүзүлгән биринчи нөвәтлик түрк дуняси жорналистлири конфирансини уюштурған түрк дуняси яш жорналистлар бирлики башлиқи шәмсәттин күзәҗи әпәнди билән бу илми муһакимә йиғини һәққидә сөһбәт елип бардуқ.

12 Дөләттин 19 журналист бу конференсийгә қатнашти. Бу жорналистлар һәрқайси телевизийә, гезит, журнал, радиоларниң мухбирлири иди. Түрк дунясидики жорналистларни топлап бундақ бир илми муһакимә йиғинини ечиш түрк дунясидики пүтүн мәдәний, сиясий вә башқа паалийәтләрдин бир - бирини хәвәрдар қилишни мәқсәт қилған. (Әркин тарим)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт