Türkiyide türk dunyasi zhornalistlar muhakime yighini ötküzüldi


2007-07-19
Share

Dunyadiki pütün türkiy milletlerning öz - ara tonushushi we öz-ara munasiwetlirini kücheytish meqsiti bilen heryili türkiyining yalowa shehiride ötküzülüwatqan türkiy milletler medeniyet bayrimining 10-nöwetliki ötküzüldi. 7-Ayning 10-künidin 19-künigiche dawam qilghan bu medeniyet bayrimi ramkisi ichide türk dunyasi zhornalistlar muhakime yighini ötküzüldi.

Bu muhakimige ottura asiya türkiy jumhuriyetliri we dunyaning herqaysi jayliridin kelgen türkiy millet zhornalistliri qatnashqan bolup, ilmiy muhakime yighinida türk dunyasida xewerlishish we uchur - alaqe, türk dunyasida ma'arip we til, türk dunyasida énérgiye we kerkük, türk dunyasining bir - biridin kütidighan ümütliri qatarliq témilar muzakire qilin'ghan. Bu ilmi muhakime yighin netijiside türk dunyasi zhornalistliri konférénsiyining her yili ötküzülüshige qarar qilin'ghan we türk dunyasi zhornalistliri birlikining qurulghanliqi élan qilin'ghan. Ilmi muhakime yighini axirida metbu'at bayannamisi élan qilin'ghan bolup, bu bayannamide türkiye duchar boliwatqan térorloq hujum we iraq, Uyghur diyaridiki türkiy milletler duchar boliwatqan bésim siyasiti eyiblen'gen.

Türkiyide ötküzülgen birinchi nöwetlik türk dunyasi zhornalistliri konfiransini uyushturghan türk dunyasi yash zhornalistlar birliki bashliqi shemsettin küzeji ependi bilen bu ilmi muhakime yighini heqqide söhbet élip barduq.

12 Dölettin 19 zhurnalist bu konférénsiyge qatnashti. Bu zhornalistlar herqaysi téléwiziye, gézit, zhurnal, radi'olarning muxbirliri idi. Türk dunyasidiki zhornalistlarni toplap bundaq bir ilmi muhakime yighinini échish türk dunyasidiki pütün medeniy, siyasiy we bashqa pa'aliyetlerdin bir - birini xewerdar qilishni meqset qilghan. (Erkin tarim)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet