Ötken saylamda bérilgen wediler emeliyleshtimu ?


2007.07.05

2002 - Yili 11- ayda élip bérilghan saylam mezgilide türkiyidiki sherqiy türkistan ammiwi teshkilatlirigha nurghun partiyilerning mes'ulliri we parlamént ezaliri namzatliri kélip Uyghurlarning özlirige awaz bérishini, eger parlamént ezasi bolup saylan'ghan teqdirde özlirining sherqiy türksitan mesilisini türkiye parlaméntining kün tertipige élip kélidighanliqi, türkiyidiki Uyghur muhajirlarning mesililirini hel qilishqa yardem qilidighanliqigha oxshash wedilerni bergen idi.

Türkiyidiki bezi sherqiy türkistan ammiwi teshkilatliri bu partiyilerning mes'ulliri bilen körüshüp Uyghur mesilisini anglatqan we saylamda ulargha awaz bergen idi. Resmi bolmighan sitatistikilargha qarighanda, 2002-yilidiki saylamda Uyghurlarning köpi 5 yildin buyan hakimiyet béshida bolghan adalet we tereqqiyat partiyisige awaz bergen iken.

Undaqta bu partiyidin saylan'ghan partiye ezaliri saylamdin burun Uyghurlargha bergen wediliride turdimu, Uyghurlarning qaysi mesililiri hel boldi? mana mushuninggha oxshash bir yürüsh mesililer heqqide melumat élish üchün dunya Uyghur qurultiyi mu'awin re'isi, sherqiy türkistan medeniyet we hemkarliq jem'iyiti bashliqi séyit tümtürk ependi bilen söhbet élip barduq.

Séyit tümtürk ependi sözide , ötken 5 yil jeryanida Uyghur mesilisining özliri arzu qilghan sewiyige kelmigen bolsimu, nurghun ilgirileshlerning bolghanliqini, bundin kéyin Uyghur mesilisini türkiyining kün tertipige élip kélish üchün téximu köp küch chiqiridighanliqini éytti. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.