Türk dunyasi shé'ir künliride Uyghur mesilisi


2007.10.26

Türkiyining elazih wilayitide 15-nöwetlik türk dunyasi shé'ir künliri resmi bashlandi. 25-Chisladin 27-chislaghiche dawam qilidighan bu pa'aliyetke ottura asiya türkiy jumhuriyetliri we herqaysi döletlerde yashawatqan türkiy milletlerdin tonulghan sha'irlar qatnashmaqta.

Bu qétimliq shé'ir pa'aliyitining échilish murasimida eserliri 154 tilgha terjime qilin'ghan qirghizlarning dangliq yazghuchisi chin'giz aytmatowqa 2006-yilliq türk dunyasi mukapati bérilgen. Elazih wilayitide bir baghchigha chin'giz aymatowning ismi bérilgen bolup, dangliq yazghuchi chin'giz aytmatow bu baghchining échilish murasimigha qatnashqan.

Bulardin bashqa firat uniwérsitéti meshhur yazghuchi chin'giz aytmatowgha pexri doktorluq unwani bergen. Bu shé'iriyet künining échilish murasimida qazaqistanliq dangliq yazghuchi muxtar shaxanow qilghan sözide xitay hökümitining Uyghurlargha élip bériwatqan Uyghur tilini we Uyghur edebiyatini yoq qilish siyasiti üstide toxtalghan.

Bu pa'aliyetlerni uyushturghuchilardin biri bolghan yawro asiya yazghuchilar jem'iyitining bashliqi yaqup deli omeroghli ependi mezkur pa'aliyet heqqide toxtaldi. (Erkin tarim)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.