تۈركىيە ۋەتەندېشى بولۇش ئاسانلاشتى
2008.01.03
تۈركىيىنىڭ ۋەتەنداشلىق قانۇنىغا تۈزىتىش كىرگۈزۈلگەندىن كېيىن تۈرك پارلامېنتىدا قوبۇل قىلىندى. بۇ قانۇندا چەتئەللىكلەرنىڭ تۈرك ۋەتەنداشلىقىغا قوبۇل قىلىنىشى ئاسانلاشتۇرۇلغان. بۇ قانۇنغا ئاساسلانغاندا، تۈركىيىگە مەبلەغ سېلىپ كارخانا قۇرغان، ئىجتىمائىي، ئىقتىسادىي، پەن-تېخنىكا ۋە سەنئەت ساھەسىدە ئالاھىدە مۇۋەپپەقىيەتلەرنى قولغا كەلتۈرگەن ياكى يۇقىرىقى ساھەلەردە ياخشى نەتىجىلەرنى قولغا كەلتۈرەلەيدىغانلىقى پەرەز قىلىنغان كىشىلەر مۇناسىۋەتلىك مىنىستىرلىكلەرنىڭ تەكلىپى بويىچە، ھۆكۈمەت كابىنېتىدا مۇزاكىرە قىلىنىپ ۋەتەنداشلىققا قوبۇل قىلىنىدىكەن.
تۈزىتىش كىرگۈزۈلگەن يېڭى قانۇنغا ئاساسلانغاندا، 7 ياشتىن تۆۋەن ياشتىكى بېقىۋېلىنغان بالىلار تۈرك ۋەتەندېشى ھېسابلىنىدىكەن. بىر تۈرك ۋەتەندېشى تەرىپىدىن بېقىۋېلىنغان، بالاغەتكە يەتمىگەن بالا بېقىۋېلىنغان كۈندىن ئېتىبارەن تۈرك ۋەتەندېشى ھېسابلىنىدىكەن. تۈركىيىدە تۇغۇلغان چەتئەللىكنىڭ بالىسى، ئەگەر ئاتا-ئانىسى ئارزۇ قىلسا، تۇغۇلغان زامان تۈرك ۋەتەندېشى بولالايدىكەن.
يۇقىرىقىلاردىن باشقا تۈرك ۋەتەنداشلىقىغا ئۆتۈشنىڭ شەرتلىرى ئىچىدە قانۇندا تۈركىيىدە ئەڭ ئاز 5 يىل تۇرۇش شەرتى قويۇلغان. بۇلاردىن باشقا تۈرك ۋەتەندېشى بولۇشقا ئىلتىماس قىلغاندىن كېيىن ھەرىكەتلىرى بىلەن تۈرك ۋەتەندېشى بولۇش نىيىتىنىڭ بارلىقىنى ئىپادە قىلىشى، يۇقۇملۇق كېسىلى بولماسلىقى، ئەخلاقلىق بولۇشى، يېتەرلىك دەرىجىدە تۈركچە بىلىشى، ئۆزىنى ئۆزى باقالايدىغان ئىقتىسادىي كۈچكە ۋە كەسىپكە ئىگە بولۇشى، تۈركىيىنىڭ بىخەتەرلىكىگە تەسىر يەتكۈزىلىدىغان بىر ئەھۋالنىڭ بولماسلىقى كېرەك ئىكەن.
يېڭى قانۇندا يەنە تۈرك بىلەن توي قىلغان چەتئەللىكلەر تۈرك ۋەتەندېشى بولۇش ئۈچۈن توي قىلغان كۈندىن تارتىپ 3 يىل بىرلىكتە تۇرمۇش كەچۈرۈشى شەرتى كىرگۈزۈلگەن. تۈركىيە ۋەتەنداشلىرى ئىچكى ئىشلىرى مىنىستىرلىكىگە بىلدۈرۈپ قويۇش شەرتى بىلەن باشقا دۆلەت ۋەتەندېشى بولالايدىكەن.
تۈركىيىدە تۈرك ۋەتەندېشى بولۇشنى كۈتۈۋاتقان كۆپ ساندا ئۇيغۇر ياشىماقتا. بۇ يېڭى قانۇن ئۇيغۇرلارغا نېمە پايدا ئېلىپ كېلەر؟ بۇ ھەقتە كۆز قارىشىنى ئېلىش ئۈچۈن ئىختىيارى مۇخبىرىمىز ئەركىن تارىم، ژۇرنالىست ۋارىسجان ئەپەندى بىلەن سۆھبەت ئېلىپ باردى. )ئەركىن تارىم)
مۇناسىۋەتلىك ماقالىلار
- تۈرك دۇنياسى مۇكاپاتىغا ئېرىشكەنلەر ئېلان قىلىندى
- ئىستانبۇلدا يېڭى يىل خاتىرىلەندى
- ئۇيغۇرلار 2008 - يىلىدىن نېمىلەرنى كۈتمەكتە
- تۈرك مەتبۇئاتىدا خىتاي ھەققىدە مۇنازىرە
- تۈرك دۇنياسى ئورتاق ئېلىپبەسى تۈزۈلمەكچى
- ئىستانبۇلنىڭ جاۋاھېر مېھمانخانىسىدا ئېچىلغان خەلقئارالىق يىغىندا ئۇيغۇرلارنىڭ ئەھۋالى تونۇشتۇرۇلدى
- دېموكراتىيىنىڭ ئىنسان ھەقلىرىگە بولغان تەسىرى
- ئىستانبۇلدىكى ئۇيغۇرلار دۇنيا ئىنسان ھەقلىرى كۈنى مۇناسىۋىتى بىلەن نامايىش ئۆتكۈزدى
- تۈركىيىنىڭ رادىكال گېزىتى ئۇيغۇر دىيارى ھەققىدە ماقالە ئېلان قىلدى
- قەيسەرى ۋالىسىنىڭ خوشلىشىش زىياپىتىگە د ئۇ ق مەسئۇللىرى قاتناشتى
- د ئۇ ق، تۈركىيىنىڭ ئۇلۇسال تېلېۋىزىيىسىنىڭ ئەيىبلىشىگە رەددىيە بىلدۈردى
- ئەزەربەيجان مەتبۇئاتىدا ئۇيغۇرلار
- ئەنقەرەدە تۈركولوگىيە ئىلمىي مۇھاكىمە يىغىنى چاقىرىلدى
كۆپ كۆرۈلگەن خەۋەرلەر
RFA
- ئۈرۈمچىدىكى مەشھۇر بىنا—«رابىيە قادىر سودا سارىيى» نىڭ چېقىۋېتىلگەنلىكى دەلىللەندى
- كانادا ھۆكۈمىتىنىڭ ئون مىڭ ئۇيغۇرنى ئورۇنلاشتۇرۇشىنىڭ تۇنجى قەدىمى مۇۋەپپەقىيەتلىك بېسىلدى
- رابىيە قادىر: «خىتاي سودا سارايلىرىمىزنى چېقىۋېتەلەيدۇ، ئەمما ئۇ سارايلارنى تىكلىگەن روھىمىزنى سۇندۇرالمايدۇ»
- رىشات ئابباس ئامېرىكا دۆلەت مەجلىسىدە ئۇيغۇر تىلى، مەدەنىيىتى ۋە خاتىرىسىنى قوغداشقا تېخىمۇ كۆپ ئىقتىساد ئاجرىتىشقا چاقىردى
- CAB دوكلاتى: «ئوتتۇرا ئاسىيا خەلقى شىنجاڭدىكى مۇسۇلمانلاردىن بەك ئەنسىرەيدۇ»