Türkiye wetendéshi bolush asanlashti


2008-01-03
Share

Türkiyining wetendashliq qanunigha tüzitish kirgüzülgen . RFA Photo / Erkin Tarim

Türkiyining wetendashliq qanunigha tüzitish kirgüzülgendin kéyin türk parlaméntida qobul qilindi. Bu qanunda chet'elliklerning türk wetendashliqigha qobul qilinishi asanlashturulghan. Bu qanun'gha asaslan'ghanda, türkiyige meblegh sélip karxana qurghan, ijtima'iy, iqtisadiy, pen-téxnika we sen'et saheside alahide muweppeqiyetlerni qolgha keltürgen yaki yuqiriqi sahelerde yaxshi netijilerni qolgha keltüreleydighanliqi perez qilin'ghan kishiler munasiwetlik ministirliklerning teklipi boyiche, hökümet kabinétida muzakire qilinip wetendashliqqa qobul qilinidiken.

Tüzitish kirgüzülgen yéngi qanun'gha asaslan'ghanda, 7 yashtin töwen yashtiki béqiwélin'ghan balilar türk wetendéshi hésablinidiken. Bir türk wetendéshi teripidin béqiwélin'ghan, balaghetke yetmigen bala béqiwélin'ghan kündin étibaren türk wetendéshi hésablinidiken. Türkiyide tughulghan chet'ellikning balisi, eger ata-anisi arzu qilsa, tughulghan zaman türk wetendéshi bolalaydiken.

Yuqiriqilardin bashqa türk wetendashliqigha ötüshning shertliri ichide qanunda türkiyide eng az 5 yil turush sherti qoyulghan. Bulardin bashqa türk wetendéshi bolushqa iltimas qilghandin kéyin heriketliri bilen türk wetendéshi bolush niyitining barliqini ipade qilishi, yuqumluq késili bolmasliqi, exlaqliq bolushi, yéterlik derijide türkche bilishi, özini özi baqalaydighan iqtisadiy küchke we kesipke ige bolushi, türkiyining bixeterlikige tesir yetküzilidighan bir ehwalning bolmasliqi kérek iken.

Yéngi qanunda yene türk bilen toy qilghan chet'ellikler türk wetendéshi bolush üchün toy qilghan kündin tartip 3 yil birlikte turmush kechürüshi sherti kirgüzülgen. Türkiye wetendashliri ichki ishliri ministirlikige bildürüp qoyush sherti bilen bashqa dölet wetendéshi bolalaydiken.

Türkiyide türk wetendéshi bolushni kütüwatqan köp sanda Uyghur yashimaqta. Bu yéngi qanun Uyghurlargha néme payda élip kéler? bu heqte köz qarishini élish üchün ixtiyari muxbirimiz erkin tarim, zhurnalist warisjan ependi bilen söhbet élip bardi. )Erkin tarim)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet