Ортақ дегән дөләт хитай билән болған мунасивитимизни бузиду


2007-11-08
Share

Түркийәниң нопузлуқ гезитлиридин бири болған һөрийәт гезитиниң 10-айниң 31-күнидики санида тонулған обзорчи ялчин доған язған " ортақ дегән дөләт хитай билән болған мунасивитимизни бузиватиду " мавзулуқ мақалә елан қилинди. Мақалә мундақ башлиниду: америка уйғур түрклиригә паспорт бериватиду йәнә уйғур түрклиригә түркийидә йиғин чақирип бериватиду. Булар хитайни қаттиқ биарам қиливатиду.

Уйғур түрклири йәни шәрқий түркистан хитайлар үчүн наһайити назук бир мәсилә. Шәрқий түркистан хитайниң аптоном райони, хитай бу районда бир бөлгүнчилик һәрикитиниң оттуриға чиқип қелишидин қаттиқ әнсирәйду.

Обзорчи ялчин доған обзорида хитайниң шәрқий түркистан мәсилисини түркийидин көрүватқанлиқини аңлитип мундақ давам қилиду: хитай шәрқий түркистандики бөлгүнчилик паалийитини әң яхши билидиған дөләт түркийә дәп қарайду. Буниңға болған наразилиқини очуқ ашкара һалда түркийигә дәп кәлмәктә. Уйғур түрклириниң түркийидә елип барған паалийәтлирини хитай һөкүмити өзигә қарши елип берилған һәрикәт дәп қарайду.

Растинла обзорчи ялчин доған дегәндәк америка түркийиниң хитай билән болған мунасивитини бузуватамду? обзорчи ялчин доған дегәндәк хитайлар шәрқий түркистандики бөлгүнчилик паалийитини түркийидин көрәмду? бүгүнки күндә түркийидики әң чоң гезитләрдин бири болған һөрийәт гезитидә бундақ бир мақалә елан қилиништики сәвәб немә? бу һәқтә көз қарашлирини елиш үчүн һаҗәттәпә университети оқутқучиси доктор әркин әкрәм вә д у қ муавин рәиси сейит түмтүрк әпәнди билән телефон зиярити елип бардуқ. (Әркин тарим)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт