Ortaq dégen dölet xitay bilen bolghan munasiwitimizni buzidu


2007-11-08
Share

Türkiyening nopuzluq gézitliridin biri bolghan höriyet gézitining 10-ayning 31-künidiki sanida tonulghan obzorchi yalchin doghan yazghan " ortaq dégen dölet xitay bilen bolghan munasiwitimizni buziwatidu " mawzuluq maqale élan qilindi. Maqale mundaq bashlinidu: amérika Uyghur türklirige pasport bériwatidu yene Uyghur türklirige türkiyide yighin chaqirip bériwatidu. Bular xitayni qattiq bi'aram qiliwatidu.

Uyghur türkliri yeni sherqiy türkistan xitaylar üchün nahayiti nazuk bir mesile. Sherqiy türkistan xitayning aptonom rayoni, xitay bu rayonda bir bölgünchilik herikitining otturigha chiqip qélishidin qattiq ensireydu.

Obzorchi yalchin doghan obzorida xitayning sherqiy türkistan mesilisini türkiyidin körüwatqanliqini anglitip mundaq dawam qilidu: xitay sherqiy türkistandiki bölgünchilik pa'aliyitini eng yaxshi bilidighan dölet türkiye dep qaraydu. Buninggha bolghan naraziliqini ochuq ashkara halda türkiyige dep kelmekte. Uyghur türklirining türkiyide élip barghan pa'aliyetlirini xitay hökümiti özige qarshi élip bérilghan heriket dep qaraydu.

Rastinla obzorchi yalchin doghan dégendek amérika türkiyining xitay bilen bolghan munasiwitini buzuwatamdu? obzorchi yalchin doghan dégendek xitaylar sherqiy türkistandiki bölgünchilik pa'aliyitini türkiyidin köremdu? bügünki künde türkiyidiki eng chong gézitlerdin biri bolghan höriyet gézitide bundaq bir maqale élan qilinishtiki seweb néme? bu heqte köz qarashlirini élish üchün hajettepe uniwérsitéti oqutquchisi doktor erkin ekrem we d u q mu'awin re'isi séyit tümtürk ependi bilen téléfon ziyariti élip barduq. (Erkin tarim)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet