D u q ning wekilliri, birinchi nöwetlik türk ojaqliri yashlar qurultiyida


2007-05-21
Share

Türkiyining eng qedimi, eng chong ammiwi teshkilatliridin biri bolghan türk ojaqlirining birinchi nöwetlik xelq'ara yashlar qurultiyi 5 - ayning 18,19 we 20 - künliri türkiyining eski sheher wilayitide chaqirildi.

Qurultaygha qatnashquchilar we oqulghan maqalilar

Bu qurultaygha ezerbeyjan, qirim tatarliri, türkmen, aghizka türkliri we Uyghur yashliri qatnashqan. Uyghurlargha wakaliten dunya Uyghur qurultiyi yashlar komissyonining türkiyediki ezasi abdullah tursun we abdullah fatihler qatnashqan.

Bu qurultayda türkiy milletlerning tarixi, türk dunyasidiki meshhur shexisler, türkiy tillar, türk dunyasidiki yashlarning mesililiri, edebiyat, ma'arip, iqtisad we jem'iyetshunasliq heqqide toplam, 33 parche ilmi maqale oqup ötülgen. Abdullah tursun ependi dunya Uyghur qurultiyigha wakaliten Uyghurlarning bügünki ehwali témisida söz qilghan.

Türk ojaqlirining qisqiche tarixi

1912 - Yili 3 - ayning 25 - küni ottura asiyadin kelgen türkiy milletlerning ziyaliliri teripidin qurulghan türk ojaqliri jem'iyiti, 95 yildin buyan türk dunyasi heqqide türlük pa'aliyetlerni uyushturup kéliwatqan bolup, dawamliq halda türkiy milletlerning mesililirini türk jama'etchilikige anglitish üchün heriket qilmaqta.

Bu qétim eski sheherde ötküzülgen 1 - nöwetlik xelq'araliq yashlar qurultiyi mana bu pa'aliyetlerning biri bolup, bu qurultaydimu nuqtiliq halda aghizka türkliri, iraqtiki türkmenler we Uyghur yashliri duchar boliwatqan mesililer muzakire qilin'ghan.

Türk ojaqliri jem'iyiti eski sheher shöbisining bashliqi proféssor. Dr. Nédim ünal ependining sözliri

Türk ojaqliri jem'iyiti eski sheher shöbisining bashliqi proféssor. Dr. Nédim ünal ependi bu qurultay heqqide melumat berdi.

Türk ojaqliri 1912 - yilida qurulghan bir ammiwiy teshkilat bolup, qurulghandin béri türklük we türk dunyasining mesililiri bilen meshghul boluwatqan bir qurulush. Bu ammiwiy teshkilatni qurghan kishilermu herqaysi türkiy milletlerdin kelgen ziyaliylar idi. Türk ojaqlirining qurulush meqsiti türk mediniyiti we türk dunyasining mesililirige köngül bölüshtin ibaret.

Bügün bezi türkiy milletler téxiche bashqa milletlerning mustemlikisi astida zulum tartmaqta. Mesilen, dunya mediniyet xezinisige öchmes töhpilerni qoshqan sherqiy türkistan xelqi téxiche xitaylarning zulumi astida yashimaqta.

Bu qurultiyimizdimu türk dunyasining mesilisini, sherqiy türkistan mesilisini, ezerbeyjanning mesililirini, aghizka türklirining mesililirini muzakire qiliwatimiz. Meqsitimiz yuqiridiki bu mesililerni hel qilishning yolliri heqqide mulahize élip bérishtin ibaret. Tatar, ezerbeyjan we Uyghurlardin kelgen wekillermu bar. Bu yashlirimizning hemmisi türk dunyasining mesililirige intayin qiziqidu. Kéyin, dunya Uyghur qurultiyi namidin bu yighin'gha qatnishiwatqan abdullah tursun ependi bilen téléfon ziyariti élip barduq. (Erkin tarim)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet