'Büyük türkistanning ötmüshi we haziri' namliq kitab neshrdin chiqti

Yéqinda se'udi erebistanida "qutadghu bilik"ni erebchige terjime qilghan alim muhemmed qasim hajimning " büyük türkistanning ötmüshi we hazirqi ehwali "namliq kitabi neshrdin chiqti.
Muxbirimiz ömerjan toxti
2010-11-08
Share

Bu kitab aptorning mundin 17 yil ilgiri se'udi erebistanining mekke mukerreme shehiridiki "medeniyet uyushmisi"ning kulubida shu serlewhe astida sözligen léksiyisining kéngeytilmisi bolup, sherqiy we gherbiy türkistanning omumiy ehwali, qisqiche tarixi we ötmüshi, shundaqla hazirqi ehwali heqqide nahayiti ixcham hem chüshinishlik halda, ereb tilida sherhlep bérilgendin tashqiri, Uyghur élining hunlar dewridin bashlap bügünki kün'ge kelgiche bolghan tarixi jeryani, qurulghan döletler, Uyghur élida yaritilghan medeniyetler, Uyghurlarning musteqilliq yolida élip barghan qanliq küreshliri ixcham halda bayan qilghan.

Töwende "büyük türkistanning ötmüshi we hazirqi ehwali" namliq kitab toghriliq köprek melumatqa ige bolush üchün kitabning aptori muhemmed qasim hajim bilen élip barghan söhbitimizni teqdim qilimiz.

Mezkur kitabning aptori, "qutadghu bilik"ni ereb tiligha terjime qilghan alim muhemmed qasim hajim mundaq dédi: "1993-yili mekkidiki ummulqura uniwérsitétining mudiri rajih ibni rajih bilen balamning wastisi bilen tonushup qalghan idim. U uzun ötmey méning mekkidiki "medeniyet uyushmisi"ning chong kulubida türkistan toghriliq léksiye bérishimni telep qilghan idi. Shu xushalliqta men u léksiyini ikki künde yézip chiqqantim, bekmu mezmunluq hem ixcham bolghan idi. Léksiyini anglighanlarning hemmisi shunche zor memnun bolghanti. Kéyinche uni kéngeytip kitab qildim. Men léksiye sözligen zalning ikkinchi qewitige türkistanning bayriqini ésip qoyghantim, hemme kishining diqqitini özige jelp qilghanti. Méning léksiyimge mingdin köprek adem qatnashqan, xususen mekkining ziyaliylirining hemmisi dégüdek qatnashqan idi. Bu kitabni bir ming dane basturup, heqsiz tarqattim."

Yuqiridiki awaz ulinishidin, bu heqtiki melumatimizning tepsilatini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet