Дөләт министири фаруқ челик шәрқий түркистан тәшкилатлири мәсуллирини йиғинға чақирди

Түркийә дөләт министири фаруқ челик әпәнди түркийидә паалийәт елип бериватқан шәрқий түркистан аммиви тәшкилатлири мәсуллирини йиғинға чақирип уларниң мәсилилирини аңлиди.
Мухбиримиз әркин тарим
2009-04-01
Share
Faruk-Chelik-we-Uyghurlar-305 Сүрәттә, иккинчи қатарда оттурида турған министир фаруқ чәлик вә түркий милләт тәшкилатлириниң мәсуллири, шундақла, һамут гоктурк, сейит түмтүрк, һайруллаһ әфәндигил әпәндиләр.
RFA Photo / Erkin Tarim

Түркийә бурундин тартип балқанлардин, кафказийидин, оттура асиядин, афғанистан, уйғур дияри, иран вә ирақтин көчмән қобул қилип келиватқан дөләтләрдин бири. Рәсми болмиған мәлуматларға асасланғанда юқуридики дөләтләрдин келип олтурақлишип қалған түркий милләтләрниң сани бир милйондин ашидикән.

Булар түркийидә аммиви тәшкилатларни қуруп вәтинидики хәлқиниң дәрд - әләмлирини түрк җамаәтчиликигә аңлитишқа тиришмақта. Өткән һәптә ахирида түркийә җумһурийити дөләт министири фаруқ челик әпәнди түркийидә паалийәт елип бериватқан балқан, кавказийә, оттура асия, иран, ирақтин кәлгән түркий милләтләрниң тәшкилатлирини министирликкә чақирип йиғин чақирған.

Бу йиғинға истанбулда паалийәт елип бериватқан шәрқий түркистан вәқпи башлиқи һамут гөктүрк билән қәйсәридә паалийәт елип бериватқан шәрқий түркистан мәдәнийәт вә һәмкарлиқ җәмийити башлиқи сейит түмтүрк әпәндиләр тәклип билән қатнашқан. Дөләт министири фаруқ челик әпәнди пүтүн тәшкилатларниң мәсуллириға айрим - айрим сөз берип, уларниң дәрдини аңлап йезивалған вә өз пикрини баян қилип өткән.

Бу йиғинға қатнашқан сейит түмтүрк вә һамут гөктүрк әпәндиләрниң ейтишичә бир дөләт министириниң уларни чақирип дәрдини аңлиши тунҗи қетим икән. Иккилиси бирдәк бу йиғинниң интайин мувәппәқийәтлик өткәнликини ейтишти. Биз бу йиғин һәққидә тәпсили мәлумат елиш үчүн уларға микрофонимизни узаттуқ.

Юқиридики аваз улинишидин, бу һәқтики мәлуматимизниң тәпсилатини аңлайсиләр.


Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт