Dölet ministiri faruq chélik sherqiy türkistan teshkilatliri mes'ullirini yighin'gha chaqirdi

Türkiye dölet ministiri faruq chélik ependi türkiyide pa'aliyet élip bériwatqan sherqiy türkistan ammiwi teshkilatliri mes'ullirini yighin'gha chaqirip ularning mesililirini anglidi.
Muxbirimiz erkin tarim
2009-04-01
Share
Faruk-Chelik-we-Uyghurlar-305 Sürette, ikkinchi qatarda otturida turghan ministir faruq chelik we türkiy millet teshkilatlirining mesulliri, shundaqla, hamut gokturk, séyit tümtürk, hayrullah efendigil ependiler.
RFA Photo / Erkin Tarim

Türkiye burundin tartip balqanlardin, kafkaziyidin, ottura asiyadin, afghanistan, Uyghur diyari, iran we iraqtin köchmen qobul qilip kéliwatqan döletlerdin biri. Resmi bolmighan melumatlargha asaslan'ghanda yuquridiki döletlerdin kélip olturaqliship qalghan türkiy milletlerning sani bir milyondin ashidiken.

Bular türkiyide ammiwi teshkilatlarni qurup wetinidiki xelqining derd - elemlirini türk jama'etchilikige anglitishqa tirishmaqta. Ötken hepte axirida türkiye jumhuriyiti dölet ministiri faruq chélik ependi türkiyide pa'aliyet élip bériwatqan balqan, kawkaziye, ottura asiya, iran, iraqtin kelgen türkiy milletlerning teshkilatlirini ministirlikke chaqirip yighin chaqirghan.

Bu yighin'gha istanbulda pa'aliyet élip bériwatqan sherqiy türkistan weqpi bashliqi hamut göktürk bilen qeyseride pa'aliyet élip bériwatqan sherqiy türkistan medeniyet we hemkarliq jem'iyiti bashliqi séyit tümtürk ependiler teklip bilen qatnashqan. Dölet ministiri faruq chélik ependi pütün teshkilatlarning mes'ullirigha ayrim - ayrim söz bérip, ularning derdini anglap yéziwalghan we öz pikrini bayan qilip ötken.

Bu yighin'gha qatnashqan séyit tümtürk we hamut göktürk ependilerning éytishiche bir dölet ministirining ularni chaqirip derdini anglishi tunji qétim iken. Ikkilisi birdek bu yighinning intayin muweppeqiyetlik ötkenlikini éytishti. Biz bu yighin heqqide tepsili melumat élish üchün ulargha mikrofonimizni uzattuq.

Yuqiridiki awaz ulinishidin, bu heqtiki melumatimizning tepsilatini anglaysiler.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet