D u q wekilliri türkiye parlaméntini ziyaret qildi

2007-08-29
Élxet
Pikir
Share
Print

mehmet-shandir-200.jpg
Ziyarette, Uyghur hey'itliri parlamént ezasi memet shandir ependige kök bayraq zhornili bilen Uyghur doppisi sowgha qildi. Photo RFA/Erkin Tarim

Türkiyide yéqinda élip bérilghan saylam bilen parlaméntqa kirgen yéngi parlamént ezaliri resmiy xizmet bashlidi. Bu munasiwet bilen dunya Uyghur qurultiyining türkiyide turushluq wekilliri türkiye parlaméntini ziyaret qilip yéngi parlamént ezalirini tebriklesh bilen birlikte ulargha bolghan arzu - teleplirini otturigha qoydi.

8-Ayning 27-küni dunya Uyghur qurultiyining türkiye wekilliridin hayrulla efendigil ependi, dunya Uyghur qurultiyi yashlar komitétining türkiyide turushluq wekili abdullah tursun we sherqiy türkistan medeniyet we hemkarliq jem'iyiti enqere shöbisi xadimliridin abdullah fadih qatarliq kishiler parlaméntta 70 ezasi bolghan milletchi heriket partiyisining mu'awin bashliqi mehmet shandir ependini uning parlamént binasidiki ishxanisida ziyaret qildi.

Ziyaret nahayiti dostane keypiyat ichide ötti, Uyghur hey'iti parlamént ezasi memet shandir ependige kök bayraq zhornili bilen Uyghur doppisi sowgha qildi. 45 Minutqa yéqin dawam qilghan söhbette dunya Uyghur qurultiyi mu'awin teptishi hayrullah efendigil ependi Uyghurlarning milletchi heriket partiyisidin kütidighan ümidini izhar qildi. Mehmet shandir ependi bolsa türkiye parlaméntida Uyghurlar üchün pa'aliyet qilidighanliqi heqqide sözlep ötti. (Erkin tarim)

Pikirler (0)
Share
Toluq bet