Türkiyidiki Uyghurlar qurban héytini shad-xuramliq ichide ötküzmekte

Bügün pütün dunyadiki bir yérim milyard musulman muqeddes ayimi qurban héytini tentene bilen kütüwaldi.
Ixtiyariy muxbirimiz erkin tarim
2012-10-26
Élxet
Pikir
Share
Print
Enqerediki melum meschitte qurban héyt namizi ötiliwatqan körünüsh. 2012-Yili 26-öktebir, türkiye.
Enqerediki melum meschitte qurban héyt namizi ötiliwatqan körünüsh. 2012-Yili 26-öktebir, türkiye.
RFA/Erkin Tarim

Bu mubarek künde, musulmanlarning eng chong arzusi, héyt namizini islamning shertliri boyiche köngüllük oqush, shundaqla namazdin yénip qebristanliqqa bérip tügep ketken ata-ana, uruq-‏tughqan we dost-yarenlirining tupraq béshida olturup qira'et ötküzüsh arqiliq, ularning rohigha xudadin shadliq tileshtin shundaqla bir-biri bilen héytlishish arqiliq hal ehwal sorash, adawetni tügitish we qurbanliq qilip uning göshini kembeghellerge tarqitish arqiliq öz-ara yardemlishishni kücheytishtin ibaret. Qurban héyt balilar we yash ösmürler üchün héytliq toplash, oyun-tamasha, xushalliq we milliy örp-adetlerni öginish démektur. Bu, musulmanlar üchün eng zor meniwi xushalliqtur. Bügün türkiyidiki 74 milyon musulman tentenilik halda qurban héytni ötküzmekte.

Bügün türkiyining enqere, istanbul we qeyseri qatarliq jaylirida yashawatqan Uyghurlar qurbanliqlirini soyup namratlargha tarqitip a'ilisidin yiraqta qurban héyti ötküzüshke mejbur bolghan Uyghur oqughuchilarnimu untumay wetendikige oxshashla qurban héytini ötküzüshige kapaletlik qilishqa tirishmaqta. Türkler héyt namizida dunyaning herqaysi jaylirida zulumgha uchrawatqanlargha, jümlidin Uyghur musulmanlirigha du'a qilip allahtin zulumning baldurraq tügishini tilimekte.

Toluq bet