Түркийиниң испарта вилайитидә «уйғур түрклири» мавзулуқ доклат бериш йиғини чақирилди

Түркийә 2012-йилини «хитай йили» дәп бекиткәндин кейин, дуня уйғур қурултийи хитайниң түркийидә елип бериватқан паалийәтлиригә қарши түркийиниң һәрқайси вилайәтлиридә паалийәт өткүзүшни қарар қилған иди.
Ихтиярий мухбиримиз әркин тарим
2012-03-27
Елхәт
Пикир
Share
Принт
Сейит түмтүрк әпәнди испарта валиси мәмдуһ оғуз әпәндиниң ишханисида. 2012-Йили 27-март, түркийә.
Сейит түмтүрк әпәнди испарта валиси мәмдуһ оғуз әпәндиниң ишханисида. 2012-Йили 27-март, түркийә.
RFA/Erkin Tarim

Бу қарарға асасән 2012-йили 3-айниң 27-күни түркийиниң ғәрбий җәнуб райониға җайлашқан әң чоң вилайәтләрдин бири болған испарта вилайитиниң мәркизи испарта шәһиридики сулайман демирәл университетиниң залида «уйғур түрклири» мавзулуқ доклат бериш йиғини өткүзүлди.

Сейит түмтүрк әпәнди испарта шәһри башлиқи йүсүп зия гунайдин әпәндиниң ишханисида. 2012-Йили 27-март, түркийә.
Сейит түмтүрк әпәнди испарта шәһри башлиқи йүсүп зия гунайдин әпәндиниң ишханисида. 2012-Йили 27-март, түркийә. RFA/Erkin Tarim

Йиғинда дуня уйғур қурултийи муавин рәиси сейит түмтүрк әпәнди доклат бәрди. Сейит түмтүрк әпәнди 2 саәт давамлашқан бу доклат бериш йиғинида уйғурларниң тарихи, бүгүнки вәзийити, чәтәлдә елип бериливатқан шәрқий түркистан давасиниң һазирқи вәзийити һәм уйғурларниң түркийидин күткәнлири һәққидә тохталди. Йиғинни испарта университетиниң «миллий мәдәнийәтни қоғдаш» намлиқ оқуғучилар уюшмиси уюштурған болуп, йиғинға университеттики оқутқучи вә оқуғучилардин болуп 500 әтрапида киши қатнашти.

Түркийиниң испарта вилайитидики «уйғур түрклири» мавзулуқ доклат бериш йиғиниға қатнашқучилар. 2012-Йили 27-март, түркийә.
Түркийиниң испарта вилайитидики «уйғур түрклири» мавзулуқ доклат бериш йиғиниға қатнашқучилар. 2012-Йили 27-март, түркийә. RFA/Erkin Tarim

Д у қ муавин рәиси сейит түмтүрк әпәнди вә оқуғучилар уюшмиси башлиқи рашит улаш четинқая башчилиқидики һәйәтни испарта валиси мәмдуһ оғуз әпәнди һәм испарта шәһәр башлиқи йүсүп зия гүнайдин әпәнди өз ишханилирида қобул қилип , уйғурларниң вәзийити һәққидә мәлумат алди. Биз бу һәқтә тәпсилий мәлумат игиләш үчүн нәқ мәйданға телефон қилип йиғинни уюштурған вә йиғинға қатнашқан кишиләр билән сөһбәт елип бардуқ.

Пикирләр (0)
Share
Толуқ бәт