Türkiyining isparta wilayitide "Uyghur türkliri" mawzuluq doklat bérish yighini chaqirildi

Türkiye 2012-yilini "Xitay yili" dep békitkendin kéyin, dunya Uyghur qurultiyi xitayning türkiyide élip bériwatqan pa'aliyetlirige qarshi türkiyining herqaysi wilayetliride pa'aliyet ötküzüshni qarar qilghan idi.
Ixtiyariy muxbirimiz erkin tarim
2012-03-27
Élxet
Pikir
Share
Print
Séyit tümtürk ependi isparta walisi memduh oghuz ependining ishxanisida. 2012-Yili 27-mart, türkiye.
Séyit tümtürk ependi isparta walisi memduh oghuz ependining ishxanisida. 2012-Yili 27-mart, türkiye.
RFA/Erkin Tarim

Bu qarargha asasen 2012-yili 3-ayning 27-küni türkiyining gherbiy jenub rayonigha jaylashqan eng chong wilayetlerdin biri bolghan isparta wilayitining merkizi isparta shehiridiki sulayman démirel uniwérsitétining zalida "Uyghur türkliri" mawzuluq doklat bérish yighini ötküzüldi.

Séyit tümtürk ependi isparta shehri bashliqi yüsüp ziya gunaydin ependining ishxanisida. 2012-Yili 27-mart, türkiye.
Séyit tümtürk ependi isparta shehri bashliqi yüsüp ziya gunaydin ependining ishxanisida. 2012-Yili 27-mart, türkiye. RFA/Erkin Tarim

Yighinda dunya Uyghur qurultiyi mu'awin re'isi séyit tümtürk ependi doklat berdi. Séyit tümtürk ependi 2 sa'et dawamlashqan bu doklat bérish yighinida Uyghurlarning tarixi, bügünki weziyiti, chet'elde élip bériliwatqan sherqiy türkistan dawasining hazirqi weziyiti hem Uyghurlarning türkiyidin kütkenliri heqqide toxtaldi. Yighinni isparta uniwérsitétining "Milliy medeniyetni qoghdash" namliq oqughuchilar uyushmisi uyushturghan bolup, yighin'gha uniwérsitéttiki oqutquchi we oqughuchilardin bolup 500 etrapida kishi qatnashti.

Türkiyining isparta wilayitidiki "Uyghur türkliri" mawzuluq doklat bérish yighinigha qatnashquchilar. 2012-Yili 27-mart, türkiye.
Türkiyining isparta wilayitidiki "Uyghur türkliri" mawzuluq doklat bérish yighinigha qatnashquchilar. 2012-Yili 27-mart, türkiye. RFA/Erkin Tarim

D u q mu'awin re'isi séyit tümtürk ependi we oqughuchilar uyushmisi bashliqi rashit ulash chétinqaya bashchiliqidiki hey'etni isparta walisi memduh oghuz ependi hem isparta sheher bashliqi yüsüp ziya günaydin ependi öz ishxanilirida qobul qilip , Uyghurlarning weziyiti heqqide melumat aldi. Biz bu heqte tepsiliy melumat igilesh üchün neq meydan'gha téléfon qilip yighinni uyushturghan we yighin'gha qatnashqan kishiler bilen söhbet élip barduq.

Toluq bet