تۈركىيىنىڭ ھەر قايسى شەھەرلىرىدە شەرقىي تۈركىستان جۇمھۇرىيەتلىرى خاتىرىلەندى
2007.11.12
تۈركىيىنىڭ ئىستانبۇل، ئەنقەرە ۋە قەيسەرى قاتارلىق شەھەرلىرىدە 12 - نويابىر كۈنى قەشقەردە ئېلان قىلىنغان، شەرقىي تۈركىستان ئىسلام جۇمھۇرىيىتى قۇرۇلغانلىقىنىڭ 74 - يىللىقى، غۇلجىدا ئېلان قىلىنغان شەرقىي تۈركىستان جۇمھۇرىيىتى قۇرۇلغانلىقىنىڭ 63-يىللىقى داغدۇغىلىق خاتىرىلەندى.
11 - نويابىر كۈنى ئەتىگەن سائەت 10 يېرىمدا ئەنقەرە كارخانىچىلار ئۇيۇشمىسىنىڭ زالىدا شەرقىي تۈركىستان جۇمھۇرىيەتلىرىنى خاتىرىلەش يىغىنى ئۆتكۈزۈلدى. يىغىنغا تۈرك دۇنياسى ئىنسان ھەقلىرى جەمئىيىتى باشلىقى ئابدۇللاھ بۇكسۇر ئەپەندى رىياسەتچىلىك قىلدى\ دۇنيا ئۇيغۇر قۇرۇلتىيى مۇئاۋىن باشلىقى سېيىت تۈمتۈرك ئەپەندى `شەرقىي تۈركىستان جۇمھۇرىيەتلىرى ۋە شەرقىي تۈركىستان ئازادلىق ئىنقىلابى` تېمىسىدا، ئەنقەرە ئۇنىۋېرسىتېتى تىل ۋە تارىخ جۇغراپىيە فاكۇلتېتى ياپون تىلى ئوقۇتقۇچىسى در. مەرتخان دۇندار ئەپەندى بولسا "شەرقىي تۈركىستان مۇستەقىللىق ھەرىكىتى ۋە ياپونىيە " تېمىسىدا، بىلكەنت ئۇنىۋېرسىتېتى خەلقئارا مۇناسىۋەتلەر فاكۇلتېتى ئوقۇتقۇچىسى در. ھەسەن ئالى قاراسار ئەپەندى بولسا `تۈركىيە خىتاي مۇناسىۋىتىدە شەرقىي تۈركىستان مەسىلىسى` تېمىسىدا سۆز قىلدى.
ئەنقەرە كارخانىچىلار ئۇيۇشمىسىنىڭ زالىدا ئۆتكۈزۈلگەن بۇ يىغىن شەرقىي تۈركىستان جۇمھۇرىيەتلىرىنى قۇرۇش ئۈچۈن جېنىنى پىدا قىلغان شېھىدلەر ئۈچۈن بىر مىنۇتلۇق سۈكۈتتە تۇرۇش بىلەن باشلاندى. كېيىن يىغىنغا تېلېگراف ئەۋەتكەن كىشىلەرنىڭ تېلىگراممىلىرى ئوقۇپ ئۆتۈلدى.
شەرقىي تۈركىستان جۇمھۇرىيەتلىرىنى خاتىرىلەش يىغىنىغا، تۈركىيە جۇمھۇرىيىتى باش مىنىستىرى رەجەپ تايىپ ئەردوغان، تاشقى ئىشلار مىنىستىرى ئالى باباجان، مەدەنىيەت مىنىستىرى ئەرتۇغرۇل گۇنەي، ئېنېرگىيە مىنىستىرى ھىلمى گۇنەر، دۆلەت مىنىستىرى مۇستافا سايىت يازىجىئوغلۇ، نىمەت چۇبۇقچۇ، مەھمەت شىمشەك قاتارلىق كىشىلەر تەبرىكلەش تېلىگراممىلىرى ئەۋەتكەن.
تەبرىكلەش تېلىگراممىلىرى ئەۋەتكەن كىشىلەر ئارىسىدا كۆپ ساندىكى پارلامېنت ئەزالىرى ۋە سىياسى پارتىيە رەھبەرلىرىمۇ بار. (ئەركىن تارىم)
مۇناسىۋەتلىك ماقالىلار
- شەرقى تۈركىستان جۇمھۇرىيىتى-ئۇيغۇر تارىخىدىكى ئۇنتۇلماس سەھىپە
- شەرقىي تۈركىستان كۆچمەنلەر جەمئىيىتىنىڭ رەئىسى ئابدۇۋەلىجان ۋاپات بولدى
- ئورتاق دېگەن دۆلەت خىتاي بىلەن بولغان مۇناسىۋىتىمىزنى بۇزىدۇ
- تۈركىيە ھۆكۈمىتى تۈرك سودا - سانائەتچىلىرىنى ئۇيغۇر دىيارىغا مەبلەغ سېلىشقا چاقىرماقتا
- رابىيە قادىر خانىم بىلەن سۆھبەت --- يېڭى ئىرا گېزىتىدىكى ماقالە ھەققىدە
- چىڭخۇا ئۇنىۋېرسىتېتىدا شەرقىي تۈركىستان مەسىلىسى ھەققىدە لېكسىيە ئۆتكۈزۈلدى (1)
- تۈركىيىدە مىليونلارچە ئىنسان شېھىدلىرى ئۈچۈن ياش تۆكمەكتە
- ئەزەربەيجاندىكى ئىلمىي مۇھاكىمە يىغىنىدا ئۇيغۇرلارغا ئالاھىدە ئورۇن بېرىلدى
- خەلقئارانىڭ خىتاي كوممۇنىست پارتىيىسىنىڭ 17 - قۇرۇلتېيى ھەققىدىكى ئىنكاسلىرى
- تۈركىيىدىكى ئۇيغۇرلار ئامېرىكا ئاۋام پالاتاسىنىڭ قارارىدىن شادلاندى
- ئۇيغۇر كارىزلىرىغا سەپەر ناملىق كىتابتىن تۇغۇلغان ئويلار
- دەم ئېلىشقا چىققان گېنېرال ئارمان قۇلئوغلى بىلەن سۆھبەت (2)
كۆپ كۆرۈلگەن خەۋەرلەر
RFA
- ئابدۇۋەلى ئايۇپ: «خىتايغا بېرىپ كېلىۋاتقان ئۇيغۇرلارنىڭ كۆپىيىشى جىددىي مەسىلە!»
- «ئۇيغۇر خەلق ناخشىلىرى» نى ئۆگىتىشمۇ ياكى ئۇيغۇرلارغا «ھەيۋە» كۆرسىتىشمۇ؟
- ئامېرىكا ئاۋام ۋە كېڭەش پالاتا ئەزالىرى خىتاينىڭ گۈلشەن ئابباسنى دەرھال قويۇپ بېرىشنى تەلەپ قىلغان
- ئۇيغۇرشۇناسلار: پرىنسېتون ئۇنىۋېرسىتېتىدا «ئەزىز ئەيسا ئەلكۈن ئۇيغۇر ئەدەبىياتى ئەسەرلىرى توپلانمىسى» نىڭ بولۇشى تارىخىي ئەھمىيەتكە ئىگە
- ھازىرقى زامان ئۇيغۇر ئەدەبىياتىغا بېغىشلانغان «قۇم ئاستىدىكى ئىزلار» ناملىق ئەسەر گېرمانىيەدە نەشر قىلىندى