Түркийиниң һәр қайси шәһәрлиридә шәрқий түркистан җумһурийәтлири хатириләнди
2007.11.12
Түркийиниң истанбул, әнқәрә вә қәйсәри қатарлиқ шәһәрлиридә 12 - ноябир күни қәшқәрдә елан қилинған, шәрқий түркистан ислам җумһурийити қурулғанлиқиниң 74 - йиллиқи, ғулҗида елан қилинған шәрқий түркистан җумһурийити қурулғанлиқиниң 63-йиллиқи дағдуғилиқ хатириләнди.
11 - Ноябир күни әтигән саәт 10 йеримда әнқәрә карханичилар уюшмисиниң залида шәрқий түркистан җумһурийәтлирини хатириләш йиғини өткүзүлди. Йиғинға түрк дуняси инсан һәқлири җәмийити башлиқи абдуллаһ буксур әпәнди риясәтчилик қилди\ дуня уйғур қурултийи муавин башлиқи сейит түмтүрк әпәнди `шәрқий түркистан җумһурийәтлири вә шәрқий түркистан азадлиқ инқилаби` темисида, әнқәрә университети тил вә тарих җуғрапийә факултети япон тили оқутқучиси др. Мәртхан дундар әпәнди болса "шәрқий түркистан мустәқиллиқ һәрикити вә японийә " темисида, билкәнт университети хәлқара мунасивәтләр факултети оқутқучиси др. Һәсән али қарасар әпәнди болса `түркийә хитай мунасивитидә шәрқий түркистан мәсилиси` темисида сөз қилди.
Әнқәрә карханичилар уюшмисиниң залида өткүзүлгән бу йиғин шәрқий түркистан җумһурийәтлирини қуруш үчүн җенини пида қилған шеһидләр үчүн бир минутлуқ сүкүттә туруш билән башланди. Кейин йиғинға телеграф әвәткән кишиләрниң телиграммилири оқуп өтүлди.
Шәрқий түркистан җумһурийәтлирини хатириләш йиғиниға, түркийә җумһурийити баш министири рәҗәп тайип әрдоған, ташқи ишлар министири али бабаҗан, мәдәнийәт министири әртуғрул гунәй, енергийә министири һилми гунәр, дөләт министири мустафа сайит язиҗиоғлу, нимәт чубуқчу, мәһмәт шимшәк қатарлиқ кишиләр тәбрикләш телиграммилири әвәткән.
Тәбрикләш телиграммилири әвәткән кишиләр арисида көп сандики парламент әзалири вә сияси партийә рәһбәрлириму бар. (Әркин тарим)
Мунасивәтлик мақалилар
- Шәрқи түркистан җумһурийити-уйғур тарихидики унтулмас сәһипә
- Шәрқий түркистан көчмәнләр җәмийитиниң рәиси абдувәлиҗан вапат болди
- Ортақ дегән дөләт хитай билән болған мунасивитимизни бузиду
- Түркийә һөкүмити түрк сода - санаәтчилирини уйғур дияриға мәбләғ селишқа чақирмақта
- Рабийә қадир ханим билән сөһбәт --- йеңи ира гезитидики мақалә һәққидә
- Чиңхуа университетида шәрқий түркистан мәсилиси һәққидә лексийә өткүзүлди (1)
- Түркийидә милйонларчә инсан шеһидлири үчүн яш төкмәктә
- Әзәрбәйҗандики илмий муһакимә йиғинида уйғурларға алаһидә орун берилди
- Хәлқараниң хитай коммунист партийисиниң 17 - қурултейи һәққидики инкаслири
- Түркийидики уйғурлар америка авам палатасиниң қараридин шадланди
- Уйғур каризлириға сәпәр намлиқ китабтин туғулған ойлар
- Дәм елишқа чиққан генерал арман қулоғли билән сөһбәт (2)
Көп көрүлгән хәвәрләр
RFA
- Үрүмчидики мәшһур бина—“рабийә қадир сода сарийи” ниң чеқиветилгәнлики дәлилләнди
- Канада һөкүмитиниң он миң уйғурни орунлаштурушиниң тунҗи қәдими мувәппәқийәтлик бесилди
- Рабийә қадир: “хитай сода сарайлиримизни чеқиветәләйду, әмма у сарайларни тиклигән роһимизни сундуралмайду”
- Ришат аббас америка дөләт мәҗлисидә уйғур тили, мәдәнийити вә хатирисини қоғдашқа техиму көп иқтисад аҗритишқа чақирди
- CAB Доклати: “оттура асия хәлқи шинҗаңдики мусулманлардин бәк әнсирәйду”