Türkiyining her qaysi sheherliride sherqiy türkistan jumhuriyetliri xatirilendi


2007-11-12
Share

Türkiyining istanbul, enqere we qeyseri qatarliq sheherliride 12-noyabir küni sherqiy türkistan islam jumhuriyiti qurulghanliqining 74-yilliqi, ghuljida élan qilin'ghan sherqiy türkistan jumhuriyiti qurulghanliqining 63-yilliqi daghdughiliq xatirilendi. RFA Photo/Erkin Tarim

Türkiyining istanbul, enqere we qeyseri qatarliq sheherliride 12 - noyabir küni qeshqerde élan qilin'ghan, sherqiy türkistan islam jumhuriyiti qurulghanliqining 74 - yilliqi, ghuljida élan qilin'ghan sherqiy türkistan jumhuriyiti qurulghanliqining 63-yilliqi daghdughiliq xatirilendi.

11 - Noyabir küni etigen sa'et 10 yérimda enqere karxanichilar uyushmisining zalida sherqiy türkistan jumhuriyetlirini xatirilesh yighini ötküzüldi. Yighin'gha türk dunyasi insan heqliri jem'iyiti bashliqi abdullah buksur ependi riyasetchilik qildi\ dunya Uyghur qurultiyi mu'awin bashliqi séyit tümtürk ependi `sherqiy türkistan jumhuriyetliri we sherqiy türkistan azadliq inqilabi` témisida, enqere uniwérsitéti til we tarix jughrapiye fakultéti yapon tili oqutquchisi dr. Mertxan dundar ependi bolsa "sherqiy türkistan musteqilliq herikiti we yaponiye " témisida, bilkent uniwérsitéti xelq'ara munasiwetler fakultéti oqutquchisi dr. Hesen ali qarasar ependi bolsa `türkiye xitay munasiwitide sherqiy türkistan mesilisi` témisida söz qildi.

Enqere karxanichilar uyushmisining zalida ötküzülgen bu yighin sherqiy türkistan jumhuriyetlirini qurush üchün jénini pida qilghan shéhidler üchün bir minutluq sükütte turush bilen bashlandi. Kéyin yighin'gha télégraf ewetken kishilerning téligrammiliri oqup ötüldi.

Sherqiy türkistan jumhuriyetlirini xatirilesh yighinigha, türkiye jumhuriyiti bash ministiri rejep tayip erdoghan, tashqi ishlar ministiri ali babajan, medeniyet ministiri ertughrul guney, énérgiye ministiri hilmi guner, dölet ministiri mustafa sayit yaziji'oghlu, nimet chubuqchu, mehmet shimshek qatarliq kishiler tebriklesh téligrammiliri ewetken.

Tebriklesh téligrammiliri ewetken kishiler arisida köp sandiki parlamént ezaliri we siyasi partiye rehberlirimu bar. (Erkin tarim)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet