Türk téléwiziyisi Uyghur diyarida (4)


2006-09-07
Share

Bu program bir réstoranning ichide Uyghur tamaqlirini tonutush bilen bashlaydu.

Bügün axsham bu yerde sen'et nomurlirini körimiz. Qeshqer medeniyitini körimiz. Dastighinimizda qoy göshi , béliq, toxu sey köktat hemme nerse bar. Bu yerde göshsiz tamaq yimeydiken. Uyghurlar eng qimmetlik méhminigha tonur kawipi ikram qilidiken. Mana bu güller bilen bézelgen tonur kawipi nahayiti körkem hem méziliktek körüniwatidu.

Tamaqlar tartilish bilen teng neghme nawalar bashlaydu. Türk hey'et bir yandin Uyghur tamaqlirigha éghiz tegkech bir yandin Uyghur naxsha muzikiliridin hozur aldi.

Uyghurche muzikilarni anglighan türk hey'et qattiq hayajanlinip mundaq deydu:

- Bizning muzikilargha oxshamdiken? - xuddi bizning muzika. Sözlirimu oxshash. Biz bu yerde bir ay qalsaq Uyghurchini toluq öginip ketküdekmiz.

Qeshqer ziyaritining ikkinji künide qeshqer walisining méhmanlargha bergen ziyapiti körsitilidu. Bu ziyapette xewertürk muxbiri taki doghan ependi qeshqer walisidin su'al soraydu:

Türk Uyghur dostluqi tunji qétim mundaq yéqinlashti. Chünki türkiyidin qeshqerge kelgen tunji hey'et we muxbirlar bolimiz. Men türkiyige qaytish aldida sizning türk xelqige démekchi bolghan köngül sözliringizni élip mangmaqchimen. Türk xelqige nime démekchisiz?

Qeshqer walisi mundaq jawab béridu:

Junggu türkiye dostluqi menggü tereqqi qilsun. Türkiye téximu rawaj tapsun. Biz qeshqer xelqi türkiyidiki dostlarning qeshqerge kélip tijaret qilishini, zawut – karxana qurushini, qeshqerge kélip sayahet qilishini chin dilimizdin ümid qilimiz. Biz türkiye xelqige we türkiyilik dostlargha yaxshi meblegh sélish pursiti we yaxshi sayahet shara'iti yaritip bérimiz.

Program axirida hey'et bashliqi kemal baytash we muxbir taki doghan xitay we Uyghur diyarigha élip barghan 10 künlük ziyaritini xulase qilip mundaq déyishidu.

- Qeshqer walisi bilen yéqin bir dostluq ornattuq. Walining sözidin türklerni bu yerge chaqiriwatqanliqini chüshendim. Siz qandaq qaraysiz? -menche bu programimizni körgen türk karhanichi we tijaretchiler, sayahetchiler choqum qeshqerge qiziqidu dep oylaymen. Men ishinimenki, biz bu sayahitimiz arqiliq u yerde tijaretchilerni bu yerge kelishke teshwiq qilghan bolduq.

Program naxsha usullar bilen ayaqlishidu.

Bu programmini körgen türkiyidiki Uyghurlar nimilerni hes qildi, bu heqte sulayman ependi ziyaritimizni qobul qilip, qarashlirini otturigha qoydi.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet