Түркийә һәрбий музейида уйғур тарихиға алаһидә орун берилгән

Түркийә җумһурийити дөлити 1923-йили қурулған болсиму, түркләр өзлириниң сиясий, иқтисадий, мәдәнийәт вә һәрбий тарихиниң миладидин бурунқи һун империйиси мәзгилидин башланғанлиқини билиду.
Ихтиярий мухбиримиз әркин тарим
2012-08-02
Share
uyghur-doliti-turkiye-herbiy-muzeyida-305.jpg Түркийә һәрбий музейида уйғур дөлити һәққидә берилгән мәлумат. 2012-Йили 2-авғуст, истанбул.
RFA/Erkin Tarim

Буни истанбулниң шишли райониға җайлашқан түркийә һәрбий музейини екскурсийә қилсиңиз, ениқ көрүвалалайсиз. Музейда түркләрниң үч миң йиллиқ һәрбий тарихи әкс әттүрүлгән болуп, уйғурларниң омумий түрк тарихидики орни алаһидә гәвдиләндүрүлгән. Музейниң ишикидин киргиниңиздә, тарихта қурулған түрк дөләтлириниң муһимлириниң байрақлири қоюлған болуп, буларниң ичидә уйғур дөлити, қараханли дөлитиниң байрақлири вә бу дөләтләр һәққидә берилгән әтраплиқ мәлуматлар диққитиңизни тартиду. Түркийә һәрбий музейиға тарихта түркләр урушта ишләткән чоң‏-кичик қораллар вә һәрбий тарих һәққидики муһим буюмлар, рәсимләр қоюлған. Булардин башқа, тарихта қолға кәлтүргән ғәлибиләр һәққидә тәпсилий мәлумат берилгән.Ихтиярий мухбиримиз әркин тарим түркийә һәрбий музейида уйғур дөлити вә хақани ядикарлиқи алдида. 2012-Йили 2-авғуст, истанбул.

Юқиридики аваз улинишидин ихтиярий мухбиримизниң түркийә һәрбий музейини зиярәт қилип нәқ мәйдандин тәйярлиған программисини аңлайсиләр.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт