Türkiyide saylamgha qatnishidighan türkistanliq parlamént ezasi namzati bilen söhbet

• Muxbirimiz erkin tarimning bu heqtiki toluq melumati
• Download story audio

Türkiyide 7-ayning 22-küni parlamént omumiy saylimi ötküzülmekchi. Bu saylamda parlamént ezaliliqigha namzat bolghanlarning ichide türkistandin kelgen köchmen a'ililerning ewlatlirimu bar. Mana bulardin biri prof. Dr. Salih aynural ependimdur.

Türkiyige köchmen bolup kelgen bir özbek a'iliside dunyagha kelgen salih aynural ependi 1962-yili konyaning aqsheher nahiyiside dunyagha kelgen bolup, 1984-yili istanbul uniwérsitéti iqtisad bölümini püttürgendin kéyin, mezkur uniwérsitétta oqutquchi bolup qalghan. 2000-Yili proféssor bolghan salih aynural ependi gebze yuqiri téxnika inistitutida 7 yil mudir bolup ishligendin kéyin türk dunyasi bilim we téxnika hemkarliq ish birliki merkizining mudiri bolup ishligen. U hazir adalet we tereqqiyat partiyisidin millet wekili namzati bolghan.

Prof. Dr. Salih aynural ependining türk dunyasi heqqide shundaqla türkiye - xitay munasiwetliride sherqiy türkistan mesilisi témisida maqaliliri élan qilin'ghan. U nurghun ilmiy muhakime yighinlirida Uyghur mesilisi heqqide maqaliler sun'ghan.

Biz prof. Dr. Salih aynural ependi bilen parlamént ezasi namzati bolushtiki meqsiti we bolghandin kéyin Uyghur mesilisi üchün némilerni qilidighanliqi heqqide söhbet élip barduq. (Erkin tarim)